Прабегчы дыстанцыю і акунуцца ў Днепр прапануюць удзельнікам фестывалю загартоўвання ў Магілёве

Фестываль загартоўвання «ЗакалФест» пройдзе 26 лютага ў магілёўскім парку Падніколле. Пра гэта паведамілі ў Магілёўскім гарвыканкаме.

Удзельнікам спартыўна-масавага мерапрыемства прапануецца пераадолець тры дыстанцыі за некалькі кіламетраў. Так, прыхільнікі ЗЛЖ прабягуць 4, 8 і 16 км. Першыя два забегі будуць праходзіць без уліку часу. Самы доўгі кіламетраж будзе арганізаваны з улікам часу і ўзроставых катэгорый: да 40 гадоў і ад 41 года і старэй.

Абавязковай умовай для лёгкаатлетаў стане абліванне халоднай вадой, акунанне і заплыў у Дняпры. Пасля такіх экстрэмальных водных працэдур можна будзе сагрэцца ва ўсталяванай на беразе перасоўнай сауне. Удзельнікі таксама павінны выканаць пэўны дрэс-код: жанчыны стартуюць у забегу ў шортах, купальніку або боды, мужчыны - шортах і з голым тулавам. Толькі пачаткоўцам гартавацца арганізатары рэкамендуюць надзець летнюю спартовую форму.

Час пачатку фестывалю - 12.00. Свае заяўкі на ўдзел у спаборніцтвах ужо зарэгістравалі каля 50 чалавек.

БЕЛТА