Прадстаўнікі Магілёўскай вобласці сталі другімі ў агульнакамандным заліку на чэмпіянаце Беларусі па лёгкай атлетыцы

У Магілёўскім спарткомплексе «Алімпіец» завяршыўся адкрыты чэмпіянат Беларусі па лёгкай атлетыцы ў памяшканні на прызы газеты «Спортивная панорама». У турніры прынялі ўдзел наймацнейшыя спартсмены з усіх абласцей краіны і Мінска.

Лёгкаатлеты Магілёўскай вобласці заваявалі 13 залатых, 5 сярэбраных, 5 бронзавых узнагарод і занялі другое месца ў агульнакамандным заліку. Чэмпіёнамі краіны сталі Анастасія Родзькіна (спартыўная хадзьба на 5000 і 10000 метраў), Сяргей Платонаў (бег на 1500 і 3000 м), Крысціна Ціманоўская (бег на 60 м), Сяргей Карпаў, Ілона Іванова (бег на 800 м), Кацярына Карнеенка (бег на 1500 м), Вячаслаў Скудны, Таццяна Шабанава (бег на 3000 м з перашкодамі), Ніна Савіна (бег на 3000 м), Уладзіслаў Булахаў (скачок у даўжыню), Максім Несцярэнка (трайны скачок).  

У лік 6 найлепшых спартсменаў турніру ўвайшоў Максім Несцярэнка–ён адзначаны прызам Беларускай федэрацыі лёгкай атлетыкі.

Першае месца ў агульнакамандным заліку ў спартсменаў Брэсцкай вобласці, на трэцім месцы прадстаўнікі Гродзеншчыны.