Прадстаўнікі Магілёўскай вобласці – у ліку пераможцаў Нацыянальнага конкурсу «Прадпрымальнік года»

Урад вызначыў пераможцаў нацыянальнага конкурсу «Прадпрымальнік года» па выніках дзейнасці за 2019 год. Адпаведнае рашэнне замацавана пастановай Савета Міністраў ад 25 верасня 2020 года № 558, як паведамілі ў прэс-службе ўрада.

Сярод найлепшых ёсць і прадстаўнікі Магілёўскай вобласці. Так, у намінацыі «Паспяховы старт» пераможцам прызнана ТАА «КоцікіСабачкі» (Магілёў). ТАА «Протас» (Магілёўскі раён) адзначана ў намінацыі «Стабільны поспех», а ЗАТ «Энерга Рамонт Сэрвіс» (Бабруйск) – у катэгорыі «Эфектыўны бізнес у сферы вытворчасці». У намінацыі «Эфектыўны бізнэс у сферы паслуг» пераможцам названа ТАА «Ліцейна-металургічная кампанія» (Магілёў). Індывідуальны прадпрымальнік Вольга Тарабуева (Бабруйск) – сярод найлепшых у намінацыі «Найлепшы індывідуальны бізнес».