Прадстаўнікі Магілёўскай вобласці ўдастоены дзяржаўных узнагарод і Падзякі Прэзідэнта

Дзяржаўных узнагарод удастоена 47 прадстаўнікоў розных сфер дзейнасці. Адпаведны ўказ падпісаў Прэзідэнт Беларусі Аляксандр Лукашэнка, паведамілі ў прэс-службе беларускага лідара.

Ордэны, медалі і ганаровыя званні прысуджаныя за шматгадовую плённую працу, высокі прафесіяналізм, узорнае выкананне службовых абавязкаў, значны асабісты ўклад у развіццё беларускага трактарабудавання, прамысловага комплексу рэспублікі і будаўнічай галіны, дасягненні ў сферы навукі і адукацыі, заслугі ў захаванні і папулярызацыі нацыянальнай культуры, актыўную грамадзянскую пазіцыю. У іх ліку –прадстаўнікі Магілёўскай вобласці.

Так, медалём «За працоўныя заслугі» ўзнагароджаны начальнік цэхавай рамонтнай службы прэсава-зварачнага цэха Бабруйскага завода трактарных дэталяў і агрэгатаў Сяргей Кудзіновіч.

Дырэктар ААТ «Славянка» Тэймураз Бачарышвілі стаў заслужаным работнікам прамысловасці Беларусі.

Падзяка Прэзідэнта Беларусі аб’яўлена калектыву работнікаў унітарнага камунальнага сельгаспрадпрыемства «Саўгас «Добраахвотнік» Клічаўскага раёна.

Рэд.