Прадукцыя прадпрыемстваў Магілёўскай вобласці ў ліку «Лепшых тавараў Рэспублікі Беларусь» - 2022

Лаўрэатамі конкурсу «Лепшыя тавары Рэспублікі Беларусь»-2022 прызнана 277 тавараў, якія выпускаюцца 154 арганізацыямі рэспублікі. Сярод пераможцаў - прадпрыемствы Магілёўскай вобласці. Аб гэтым паведамілі ў Дзяржаўным камітэце па стандартызацыі Рэспублікі Беларусь.

Так, у намінацыі «Харчовыя тавары» ў ліку пераможцаў ААТ «Бабулін гладыш» - кіруючая кампанія холдынгу «Магілёўская малочная кампанія «Бабулін гладыш», ЗАТ «Агракамбінат «Зара», ААТ «Бабруйскі завод раслінных алеяў».

У намінацыі «Прамысловыя тавары для насельніцтва і вырабы народных промыслаў» высока ацэнены вырабы ААТ «Магілёўскі завод ліфтавага машынабудавання», ПВУП «Стальная лінія», ААТ «Магатэкс», ААТ «Стужка», ААТ «Ольса».

А ў намінацыі «Прадукцыя вытворча-тэхнічнага прызначэння» з 68 тавараў-лаўрэатаў, якія выпускаюцца 52 арганізацыямі ў ліку пераможцаў, прадукцыя Магілёўскага завода ліфтавага машынабудавання, Бабруйскага завода трактарных дэталей і агрэгатаў, Беларускага цэментнага завода, прадпрыемстваў Магілёўхімвалакна, Крычаўцэментнашыфер, Зеніт, кіруючай кампаніі холдынгу «Бабруйскаграмаш», ПУП «Універсал Бабруйск» грамадскага аб'яднання «Беларускае таварыства глухіх».

Статус «Навінка года», заснаваны для стымулявання выпуску новых відаў прадукцыі, паляпшэння яе характарыстык і ўласцівасцей, прымянення сучасных тэхналогій і матэрыялаў, прысуджаны ёгурту «Грэчаскаму»; вэнджаным сыру-касічцы «Чэчыл»; пастэрызаванага напою, на аснове сыроваткі з сокам «Тропік»; тварожнаму глазураванаму сырку «Вясёлыя ўнукі» з начыннем «КрэмаКалада». Усе гэтыя малочныя тавары выпускаюцца на прадпрыемстве «Бабулін гладыш».

Акрамя таго, «Бабулін гладыш» атрымаў адмысловую ўзнагароду «Лепшы ў рэгіёне».

Таксама ўзнагарод «Лепшы ў рэгіёне» і «Лепшы ў галіне» ўдастоена ААТ «Магілёўскі завод ліфтавага машынабудавання».

Дыпломам «Стабільная якасць» адзначаны ААТ «Бабулін гладыш» - кіруючая кампанія холдынгу «Магілёўская малочная кампанія «Бабулін гладыш», ААТ «Магілёўскі завод ліфтавага машынабудавання», ААТ «Магатэкс», ААТ «Бабруйскі завод трактарных дэталей і агрэгатаў», ААТ «Магілёўхімвалакно» », ААТ «Крычаўцэментнашыфер». Тавары гэтых прадпрыемстваў станавіліся лаўрэатамі конкурсу пяць і больш разоў запар. Самі арганізацыі пацвярджалі належную якасць прадукцыі або паслугі на працягу не менш за год, які папярэднічае правядзенню конкурсу. Прадпрыемствы маюць сертыфікаваныя сістэмы менеджменту, якія адпавядаюць патрабаванням СТБ ISO 9001, СТБ ISO 14001, СТБ ISO 45001 і інш., а таксама былі лаўрэатамі розных конкурсаў у галіне якасці.

Усяго за час правядзення апытання было атрымана 37 тыс.244 галасы спажыўцоў (32 тыс.205 – «падабаецца» і 5 тыс. 39 – «не падабаецца»). Пры гэтым кожны спажывец змог узяць удзел у галасаванні толькі адзін раз.

Арганізацыям, тавары якіх удастоены звання лаўрэата, будуць уручаны дыпломы і прадастаўлена права размяшчэння лагатыпа конкурсу на таварах і іх упакоўцы, а таксама ў дакументацыі і рэкламных матэрыялах.

Рэд.