Прадстаўнікі Магілёўскага абласнога аб'яднання прафсаюзаў правяраюць гатоўнасць сельскагаспадарчых прадпрыемстваў да пачатку масавых веснавых палявых работ.
Магілёўская абласная арганізацыя Беларускага прафсаюза работнікаў аховы здароўя сумесна з урачамі раённых цэнтраў гігіены і эпідэміялогіі вывучае ўмовы арганізацыі харчавання работнікаў АПК падчас веснавых палявых работ. Спецыялісты правяраюць наяўнасць санітарна-бытавых умоў для работнікаў, забяспечанасць сродкамі індывідуальнай аховы, а таксама арганізацыю гарачага харчавання.
Па словах спецыялістаў, большая частка сельскагаспадарчых прадпрыемстваў забяспечыла належныя ўмовы для стварэння камфортных умоў працы. Асобныя арганізацыі працягваюць работы па закупцы неабходнага сталовага посуду і замене пліт. Пры адсутнасці ў сельскагаспадарчай арганізацыі сваёй абсталяванай сталовай прадстаўнікі прафсаюзаў дапамагаюць у заключэнні дагавораў на забеспячэнне работнікаў гарачай ежай са сталовых бліжэйшых сельгасарганізацый. Ужо заключана каля дзесяці такіх дамоваў.
Па традыцыі сёлета працаўнікі аграпрамысловага комплексу будуць удзельнічаць у прафесійным спаборніцтве. Найлепшыя з іх атрымаюць падарункі і грашовыя прэміі, што з'яўляецца дадатковым стымулам для працы.
БЕЛТА
