Прафсаюзы вывучылі арганізацыю гарачага харчавання для аграрыяў Глусчыны

Напярэдадні ўборачнай кампаніі прафсаюзы вывучылі, як арганізавана гарачае харчаванне для аграрыяў Глускага раёна.

Абеды для іх рыхтуюць работнікі кафэ «Маладосць». Адсюль харчаванне штодзень механізатарам проста ў поле дастаўляюць вадзіцелі сельгасарганізацый.

Старшыня Глускага раённага аб'яднання прафсаюзаў Сяргей Слічонак наведаў аграфірму «Слаўгарадскі». Асаблівую ўвагу ён удзяліў якасці ежы, умовам дастаўкі гарачага харчавання і пітной вады.

«Рацыён харчавання механізатараў разнастайны, - адзначыў прафсаюзны лідэр, - цэны на абеды даступныя, з зарплаты работнікаў вылічваюць каля 20 працэнтаў ад поўнага кошту. Кормяць аграрыяў смачна і сытна, з захаваннем санітарных норм. А гэта залог прадуктыўнага дня на палях».

mogilev.1prof.by, фота: glusk.by