Рус Бел Eng 中文

Прэзідэнцкія выбары ў Беларусі пройдуць 9 жніўня

Палата прадстаўнікоў разглядае пытанне аб прызначэнні даты прэзідэнцкіх выбараў. Старшыня Палаты прадстаўнікоў Уладзімір Андрэйчанка назваў прэзідэнцкія выбары галоўнай грамадска-палітычнай падзеяй у жыцці краіны. «Вынікі прэзідэнцкай выбарчай кампаніі маюць ключавое значэнне для кожнага грамадзяніна, грамадства і дзяржавы ў цэлым, паколькі вызначаюць шлях развіцця краіны на найбліжэйшыя гады», – падкрэсліў ён.

Паводле артыкула 97 Канстытуцыі, выбары кіраўніка дзяржавы прызначае Палата прадстаўнікоў. ЦВК унёс у парламент прапанову прызначыць дату выбараў Прэзідэнта. У Авальнай зале па гэтым пытанні выступіла старшыня ЦВК Лідзія Ярмошына.

На правядзенне прэзідэнцкіх выбараў у Беларусі плануецца накіраваць Br36 млн. У бюджэце 2020 года на правядзенне двух тураў прэзідэнцкіх выбараў закладзена сума ў Br36 млн. Пра гэта сёння ў парламенце паведаміла старшыня ЦВК Лідзія Ярмошына. 

Парламент прызначыў прэзідэнцкія выбары на 9 жніўня. Палата прадстаўнікоў сёння прызначыла прэзідэнцкія выбары на 9 жніўня. Старшыня Палаты прадстаўнікоў Уладзімір Андрэйчанка падкрэсліў, што з улікам значнасці прэзідэнцкіх выбараў для краіны дэпутатам трэба будзе сур’ёзная, адказная арганізацыйна-палітычная праца. 

ЦВК разгледзіць сёння каляндарны план прэзідэнцкіх выбараў.

Цэнтрвыбаркам правядзе сёння пасяджэнне, на якім разгледзіць каляндарны план прэзідэнцкіх выбараў. Пра гэта паведаміла журналістам старшыня ЦВК Лідзія Ярмошына.

На пасяджэнні будуць разглядацца каляндарны план выбараў, пастанова аб парадку накіравання і акрэдытацыі нацыянальных назіральнікаў, каштарыс і бюджэт выбараў.

Лідзія Ярмошына звярнула ўвагу, што праз эпідэміялагічную сітуацыю ЦВК упершыню будзе праводзіць пасяджэнне без прэсы і назіральнікаў.

Прэзідэнцкія выбары 2020 года будуць праходзіць у асаблівых умовах – Лідзія Ярмошына. Прэзідэнцкія выбары 2020 года будуць праходзіць у зусім асаблівых умовах. Пра гэта заявіла сёння ў парламенце старшыня ЦВК Лідзія Ярмошына. Кіраўнік Цэнтрвыбаркама адзначыла, што праз пандэмію каранавіруса «гэта выбарчая кампанія будзе праходзіць у зусім асаблівых умовах». «Яна будзе вельмі рэзка адрознівацца ад кампаній па выбарах Прэзідэнта, якія праходзілі раней», – сказала Лідзія Ярмошына. 

Збор подпісаў у падтрымку кандыдатаў у Прэзідэнты пачнецца 21 мая. Збор подпісаў у падтрымку кандыдатаў у прэзідэнты пачнецца 21 мая. Гэта прадугледжана каляндарным планам арганізацыйных мерапрыемстваў па падрыхтоўцы і правядзенні выбараў Прэзідэнта, паведаміла на пасяджэнні ЦВК Лідзія Ярмошына. Апошні тэрмін падачы заяў патэнцыйных кандыдатаў у Прэзідэнты на рэгістрацыю ініцыятыўных груп 15 мая. Збор подпісаў пачнецца 21 мая і завершыцца 19 чэрвеня. 

БЕЛТА

 

Пры выкарыстанні матэрыялаў актыўная гіперспасылка на mogilev-region.gov.by абавязковая