Прэзідэнт: Клімавіцкі раён – асноватворны на Магілёўшчыне, перспектывы добрыя

Старшынёй Клімавіцкага райвыканкама стаў Міхаіл Дзямідаў – яго кандыдатуру сёння ўзгадніў Аляксандр Лукашэнка. Да гэтага Міхаіл Дзямідаў працаваў першым намеснікам старшыні, начальнікам упраўлення па сельскай гаспадарцы і харчаванню Бялыніцкага райвыканкама.

– Калі я вывучаў вашыя асабістыя матэрыялы, я падумаў пра тое, што вы як спецыяліст, заатэхнік, урач, усё жыццё прапрацавалі з жывёламі, вы перанесяце гэты вопыт на Клімавіцкі раён. Вельмі хацелася б. І ў гэтых адносінах мы вас будзем падтрымліваць. Клімавіцкі раён прыстойны, гэта асноватворны раён на Магілёўшчыне. Вельмі хацелася б, каб у вас атрымалася. Перспектывы ў вас добрыя, – упэўнены Прэзідэнт.

Ён паабяцаў, што ў гэтым годзе пабывае ў Клімавіцкім раёне – калі не на пасяўной, то на ўборачнай. Да гэтага моманту новы кіраўнік зможа распавесці пра напрамкі далейшага развіцця раёна.

 СБ, фота БЕЛТА