Пытанні захавання балансу інтарэсаў паміж развіццём бізнесу і камфортам насельніцтва разгледжаны на асабістым прыёме старшыні Магаблвыканкама

Асабісты прыём грамадзян правёў сёння старшыня Магілёўскага аблвыканкама Анатоль Ісачанка.

Так, на прыём да губернатара звярнулася прадпрымальнік з Горак. Заяўнік папрасіла дапамагчы ў вырашэнні сітуацыі з узгадненнем рэжыму працы начнога клуба, заснавальнікам і дырэктарам якога яна з'яўляецца. У маі бягучага года мясцовы райвыканкам вынес рашэнне аб спыненні дзеяння ўзгаднення рэжыму работы аб'ектаў пасля 23.00 і да 7.00. Аднак з такім рашэннем жанчына не згодная.

У сваю чаргу прадстаўнікі мясцовай улады і праваахоўных органаў прыводзяць свае аргументы - ад насельніцтва паступаюць скаргі на шум у начны час і парушэнне правапарадку.

««Пытанне ўзнікла ў сувязі з тым, што гэтая забаўляльная ўстанова працавала да сямі раніцы ва ўсе дні тыдня, - растлумачыў старшыня Горацкага райвыканкама Міхаіл Гулы. - Аднак побач размешчаны акадэмгарадок БДСГА, чатыры інтэрнаты, жылыя дамы, школа. Пытанне нават не ў самой установе, а ў тым, што, выходзячы адтуль, адпачывальнікі ўсю ноч шумяць, ствараюць дыскамфорт на дадзенай тэрыторыі».

Анатоль Ісачанка выслухаў аргументы ўсіх бакоў і ў выніку кампраміс быў знойдзены. З заяўніцай абмеркавалі аптымальны час працы ўстановы ў буднія і выхадныя дні. З такім вырашэннем сітуацыі, якая склалася, яна пагадзілася.

Юлія Таранава, фота Галіны Гаўрыловіч