Раман Галоўчанка: галоўная задача - атрымаць максімальны эканамічны эфект ад устаранення наступстваў непагадзі

Цяпер галоўная задача не толькі ўстараніць наступствы непагадзі, але і атрымаць ад гэтага максімальны эканамічны эфект. Такой думкай з журналістамі падзяліўся прэм'ер-міністр Раман Галоўчанка падчас наведвання Быхаўскага раёна Магілёўскай вобласці. Галоўнай тэмай сустрэчы стала пытанне ліквідацыі наступстваў бураломаў.

Работы па ліквідацыі наступстваў ураганных вятроў - шматступенны працэс. Перад прадстаўнікамі лясной гаспадаркі краіны стаяць сур'ёзныя задачы - за максімальна сціслыя тэрміны правесці распрацоўку ўчасткаў і не даць драўніне страціць свае тэхнічныя якасці.

«Перапрацоўшчыкі да аб'ёмаў гатовыя. Але перш, чым перапрацаваць, трэба навесці парадак у лесе, вывезці (драўніну. - Заўвага БЕЛТА), перапрацаваць, атрымаць прадукцыю, прадаць і аднавіць лес. Распараджэнне кіраўніка дзяржавы менавіта ў гэтым, - адзначыў Раман Галоўчанка. - Усё павінна быць максімальна эфектыўна выкарыстана».

Усе аб'ёмы драўніны, якія падвергліся ветравалам, адзначыў прэм'ер-міністр, будуць выкарыстаны ў прамысловай вытворчасці. «Ніякіх праблем з гэтым няма. Тым больш што наш цэлюлозны камбінат выйшаў практычна на праектную магутнасць. Усе 4-6 млн куб.м пойдуць на нашыя прадпрыемствы, якія сёння звяртаюцца да нас з просьбай яшчэ павялічыць пастаўкі для вытворчасці фанеры», - распавёў Раман Галоўчанка.

Па словах прэм'ер-міністра, усе працы неабходна правесці аператыўна. «Каб не дапусціць псуту драўніны ў сувязі з тым, што ідуць дажджы, якія змяняюцца спякотай. На гэта кінуты ўсе сілы, - сказаў ён. - Стаіць задача выканаць даручэнне (кіраўніка дзяржавы. - Заўвага БЕЛТА) не фармальна, а атрымаць ад гэтага няшчасця максімальны эканамічны эфект.

Ці пагражае Беларусі перагрэў эканомікі? Прэм'ер-міністр даў дакладны адказ

Раман Галоўчанка аб выніках работы ў I паўгоддзі: ёсць устойлівы эканамічны рост

Аляксандр Кулік аб ліквідацыі буралому: важна, што ў краіне ёсць куды рэалізоўваць драўніну

Цэлюлоза, плітная прадукцыя, ДСП. Што вырабяць з ветравальнай і бураломнай драўніны

БЕЛТА