«Разам ва ўстойлівае заўтра»: рэгіянальны фестываль па ўстойлівым развіцці прайшоў у Мсціслаўскім раёне

Рэгіянальны фестываль па ўстойлівым развіцці Мсціслаўскага раёна «Разам ва ўстойлівае заўтра» прайшоў у Мсціслаўлі.

Удзел у ім прынялі член Савета Рэспублікі Нацыянальнага сходу Рэспублікі Беларусь, старшыня Магілёўскага абласнога Савета дэпутатаў Аляксандр Гарошкін, старшыня Мсціслаўскага райвыканкама Дзмітрый Пімашэнка, старшыня Мсціслаўскага райсавета дэпутатаў Алена Клеенкава, члены Прэзідыума райсавета дэпутатаў, іншыя ганаровыя госці.

У рамках фестывалю адбылося адкрыццё сквера «Устойлівага развіцця» ў гонар 100-годдзя Мсціслаўскага раёна.

Таксама ўдзельнікі сустрэчы абмеркавалі пытанні парадку дня: рэалізацыю Канцэпцыі ўстойлівага развіцця Мсціслаўскага раёна да 2035 года, рэалізацыю праекта гімназіі г. Мсціслаўля «Акадэмія ЦУР»..

Працягнуўся фестываль у аграгарадку Хадасы, дзе прайшло ўскладанне кветак да брацкай магілы і адкрыццё плошчы Дзяржаўных сімвалаў, прымеркаванае да 100-годдзя Мсціслаўскага раёна.

mogilevnews.by