Рэгіянальны фестываль сямейнай творчасці «Сузор’е талентаў» адбудзецца 27 жніўня ў Глуску. Пра гэта паведамілі ў Магілёўскім абласным метадычным цэнтры народнай творчасці і культурна-асветнай працы.
Мерапрыемства праводзіцца з мэтай падтрымкі і папулярызацыі сямейных каштоўнасцяў і творчасці. Удзел у ім прымуць сямейныя, сямейна-роднасныя калектывы як з Магілёўшчыны, так і іншых рэгіёнаў Беларусі.
Як адзначылі суразмоўцы, таленавітая і дружная сям’я – аснова квітнеючага грамадства. А падтрымка і развіццё традыцый сямейнай творчасці спрыяе павышэнню статусу сям’і ў сацыяльна-культурнай грамадскай прасторы.
«Для сямейных калектываў «Сузор’е талентаў» стане не проста ўдзелам у конкурсных праграмах, але і дэманстрацыяй граняў магчымасцяў роднаснага адзінства, згуртаванасці, аднадумства. А для жыхароў і гасцей – гэта яшчэ адна магчымасць адпачыць усёй сям’ёй, – падкрэслілі ў абласным метадычным цэнтры».
У межах фестывалю адбудуцца конкурсы музычна-песеннай творчасці «Крыніцы творчасці»; дэкаратыўна-прыкладнога і выяўленчага мастацтва «Рукатворны цуд»; «З пакалення ў пакаленне», на самае лепшае прадстаўленне святочнага каравая, ручніка.
Арганізатарамі выступілі Глускі райвыканкам, аддзел ідэалагічнай работы, культуры і па справах моладзі Глускага райвыканкама, дзяржаўная ўстанова культуры «Цэнтралізаваная клубная сістэма Глускага раёна», арганізацыйна-метадычнае суправаджэнне ажыццяўляе КК «Магілёўскі абласны метадычны цэнтр народнай творчасці і культурна-асветнай працы».
Рэд.
Пры выкарыстанні матэрыялаў актыўная гіперспасылка на mogilev-region.gov.by абавязковая
02.09.2025 - 14:25
Бліны па аўтэнтычных рэцэптах можна будзе пакаштаваць 6 верасня на бліна-фэсце ў Бялыніцкім раёне
25.08.2025 - 12:26
Тры эскізы спектакляў распрацавалі артысты Магілёўскага тэатра лялек разам з расійскімі калегамі
20.08.2025 - 12:14
Чаму трэба наведаць фестываль народных промыслаў і рамёстваў «Краснапольскі глечык»
19.08.2025 - 15:31
Пейзаж Юлія Клевера «Закат» будзе прадстаўлены ў Магілёве на выставе адной карціны
18.08.2025 - 14:45
Выстава двух вялікіх майстроў жывапісу адкрыецца ў Магілёве 22 жніўня