Рэканструкцыя таварна-свінагадоўчага комплексу ў аграгарадку Аўсянка Горацкага раёна ідзе поўным ходам

У Горацкім раёне паспяхова рэалізуецца буйны інвестыцыйны праект - рэканструкцыя таварна-свінагадоўчага комплексу ў аграгарадку Аўсянка КСУП «Аўсянка імя І. І. Мельніка». Ход работ па рэканструкцыі аб'екта знаходзіцца на асабістым кантролі кіраўніка Магілёўскай вобласці Анатоля Ісачанкі і старшыні райвыканкама Міхаіла Гулага.

Комплекс, згодна з рашэннем Магілёўскага абласнога Савета дэпутатаў ад 27 снежня 2022 года, уключаны ў пералік аб'ектаў Інвестыцыйнай праграмы Магілёўскай вобласці на 2023-2025 гады.

Як расказаў дырэктар камунальнага унітарнага даччынага прадпрыемства «Кіраванне капітальным будаўніцтвам Горацкага раёна» Максім Быкаў, на сённяшні дзень у адпаведнасці з генеральным планам ёсць стопрацэнтная гатоўнасць першага будынка комплексу, прызначанага для дарошчвання маладняку. Выкананы пуска-наладачныя работы. Аб'ект будзе ўведзены ў эксплуатацыю ў нарматыўныя тэрміны будаўніцтва.

Па меры гатоўнасці адрын у іх будуць запускаць жывёл.

- Усяго па праграме інвестпраекта падлягаюць рэканструкцыі пяць існуючых адрын свінакомплексу сельгаспрадпрыемства і адзін будынак павінен быць пабудавана з нуля. Кошт аб'екта складае Br17,5 млн. Адзін хлеў абыходзіцца ў суму каля Br2млн. Для забеспячэння аб'екта інжынернымі камунікацыямі выконваецца будаўніцтва кабельных ліній электраперадач на 10 кВ і 0,4 кВ, сетак водазабеспячэння і каналізацыі, - распавёў Максім Быкаў.

Генеральным падрадчыкам аб'ектаў, якія рэканструююцца і будуюцца, з'яўляецца дзяржаўнае ўнітарнае камунальнае вытворчае прадпрыемства «Магілёўаблсельбуд».

Паводле слоў дырэктара сельгаспрадпрыемства Вікторыі Недбайлы, гэта будзе сучасны сельскагаспадарчы аб'ект жывёлагадоўчага прызначэння з замкнутым цыклам на 12 тысяч галоў свіней за год.

Свінагадоўчы комплекс у Аўсянцы быў уведзены ў эксплуатацыю ў 1979 г. За гэты час ні разу не праводзіўся яго капітальны рамонт. Комплекс неабходна было рэканструяваць, таму ён быў уключаны ў абласную інвестыцыйную праграму.

Калі зараз на комплексе ручная праца, то пасля рэканструкцыі ўсё будзе механізавана. Тут укарэняць новыя тэхналогіі кармлення, вентыляцыі і гноювыдалення, усталююць сучаснае абсталяванне, паілкі і інш. Падзел біялагічных цыклаў дапаможа пазбегнуць вялікіх страт у выпадках масавых інфекцый, у прыватнасці, афрыканскай чумы.

 gorkiv.by