Рэспубліканская грамадска-культурная акцыя «Марафон адзінства» ў гэтыя выхадныя пройдзе ў Бабруйску

Ужо ў гэтыя выхадныя, 15-16 лістапада, рэспубліканская грамадска-культурная акцыя «Марафон адзінства», старт якой аб'явіў Прэзідэнт 17 верасня на ўрачыстым мерапрыемстве да Дня народнага адзінства ў «Мінск-Арэне», прыедзе ў горад на Бярэзіне - Бабруйск.

Рэспубліканская грамадска-культурная акцыя «Марафон адзінства» - гэта сапраўднае свята, дзе можна прасякнуцца духам адзінства і адчуць палітру талентаў беларускай зямлі. У Бабруйску пройдуць і новыя мерапрыемствы марафону. Адно з іх - сапраўдны канцэрт у цэху. Пачнецца гісторыя праекта «Разам працуем, разам спяваем» у пятніцу, 15 лістапада, на пляцоўцы Бабруйскага завода буйнапанэльнага домабудавання.

Адной з пляцовак «Марафона адзінства» стане ГЦ «Абсалют». Тут 15 і 16 лістапада можна будзе пазнаёміцца з унікальнай выставай «Беларусь. Узлёт» Беларускага тэлеграфнага агенцтва: 30 гадоў станаўлення і развіцця краіны на сарака здымках у фармаце «тады і зараз». Над падрыхтоўкай выстаўкі працавала вялікая каманда, якая вывучыла архівы друкаваных выданняў і адабрала публікацыі і фота, якія найбольш яскрава дэманструюць гісторыю Беларусі ў разрэзе трох дзесяцігоддзяў. Азнаёміцца з выставай можна будзе 15 лістапада з 9:00 да 23:00, 16 лістапада з 9:00 да 20:00 па адрасе: г. Бабруйск, вул. Мінская, 133.

У рамках «Марафона адзінства» на «Знакавую сустрэчу ў горад на Беразіне прыедуць генеральны дырэктар Нацыянальнай бібліятэкі, дэпутат Палаты прадстаўнікоў Нацыянальнага сходу Вадзім Гігін, заслужаны артыст Рэспублікі Беларусь Руслан Аляхно, самы тытулаваны беларускі атлет у гісторыі паралімпіяд Ігар Бокій, начальнік аддзела «Альфа Радыё» выдавецкага дома «Беларусь сегодня» Вадзім Шапет. Сустрэча пройдзе ў Магілёўскім абласным тэатры драмы і камедыі імя У. І. Дуніна-Марцінкевіча па адрасе: г. Бабруйск, вул. Сацыялістычная, 105.

СБ