Рэспубліканскія спаборніцтвы па танцавальным спорце «Вясенні баль – 2023» прыме Магілёў

Рэспубліканскія спаборніцтвы па танцавальным спорце «Вясенні баль – 2023» прыме Магілёў 9 красавіка, паведамілі ў спартыўным комплексе «Алімпіец».

Спаборніцтвы будуць праходзіць у зале гульнявых відаў спорту ў «Алімпійцы». Змагацца за прызавыя месцы будуць як танцавальныя пары, так і сольныя выканаўцы.

Танцавальныя спаборніцтвы будуць падзелены на некалькі частак. У ранішнім і дзённым аддзяленнях адбудуцца спаборніцтвы танцавальных пар у розных класавых групах, тут жа сваё майстэрства прадэманструюць прадстаўнікі артыстычнага танцавальнага спорту.

У дзённым і вячэрнім аддзяленнях будуць выступаць танцавальныя пары больш высокіх класаў і адкрытых груп. Таксама тут пройдзе чарговы этап спаборніцтваў серыі гран-пры «Стань чэмпіёнам» у групах «Дзеці-1» і «Дзеці -2».

Пачатак спаборніцтваў у 10.00. Уваход для гледачоў свабодны.