РУП «Учгас БДСГА» адзначыў 180-годдзе

Работнікі і ветэраны працы РУП «Учгас БДСГА», а таксама жыхары горада Горкі і раёна сабраліся ў Палацы культуры УА БДСГА на ўрачыстае мерапрыемства, прысвечанае 180-гадоваму юбілею сельгаспрадпрыемства.

Да прысутных з прывітальнай прамовай звярнуўся дырэктар РУП «Учгас БДСГА» Аляксей Двайнішнікаў. Аляксей Віктаравіч коратка расказаў, што сабой уяўляе сельгаспрадпрыемствы, адзначыў яго дасягненні і лепшых работнікаў.

Начальнік галоўнага ўпраўлення інвестыцый, будаўніцтва і меліярацыі Анатоль Шыманоўскі зачытаў віншавальны адрас ад Міністэрства сельскай гаспадаркі і харчавання Рэспублікі Беларусь. Таксама Анатоль Анатольевіч уручыў узнагароды работнікам, якія праславіліся.

Кіраўнік Горацкага раёна Міхаіл Гулы звярнуўся да прысутных з цёплымі віншаваннямі. Міхаіл Уладзіміравіч адзначыў, што гэта гаспадарка з'яўляецца гонарам раёна. У штодзённай рабоце РУП «Учгас БДСГА» абапіраецца на свой багаты вопыт і пры гэтым упэўнена крочыць у нагу з часам, укараняючы ў вытворчасць актуальныя распрацоўкі айчыннай і замежнай аграрнай навукі.

Старшыня Горацкага раённага выканаўчага камітэта, дырэктар і прафсаюзны лідэр прадпрыемства ўручылі ўзнагароды лепшым работнікам РУП «Учгас БДСГА».

У святочны вечар на сцэне выступілі кіраўнікі Учгаса розных гадоў. Кожны з іх падзяліўся сакрэтамі поспеху. Успомнілі таксама самыя значныя дасягненні гаспадаркі, выдатных працаўнікоў і падзяліліся планамі на будучыню.

Ад УА БДСГА прадпрыемства павіншаваў першы прарэктар Андрэй Калмыкоў.

Пасля афіцыйнай часткі прысутных у зале чакала цікавая і насычаная канцэртная праграма.

gorkiv.by