RU BY EN 中文
Instagram
Герб Республики Беларусь
МАГІЛЁЎСКІ АБЛАСНЫ ВЫКАНАЎЧЫ КАМІТЭТ АФІЦЫЙНЫ ПАРТАЛ
Герб Могилевской области

Руслан Страхар: у нашай краіне ствараецца зручнае заканадаўства, якое дазваляе працаваць усім

29.05.202415:03

У нашай краіне ствараецца зручнае і зразумелае заканадаўства, якое дае магчымасць працаваць усім суб'ектам гаспадарання. Такую думку выказаў намеснік старшыні Магілёўскага аблвыканкама Руслан Страхар падчас пасяджэння Савета па развіццю прадпрымальніцтва, якое адбылося ў Магілёве 29 мая.

У мерапрыемстве прынялі ўдзел намеснік міністра эканомікі краіны Уладзімір Навумовіч, члены абласнога Савета, суб'екты прадпрымальніцтва, члены Саветаў па развіццю прадпрымальніцтва Магілёўскага гарадскога і раённага выканаўчых камітэтаў, прадстаўнікі Фонду фінансавай падтрымкі прадпрымальніцтва, Беларускай універсальнай біржы, ІМПЗ, ФСАН, банкаў і інш.

Асноўным пытаннем парадку дня пасяджэння сталі змяненні ў нарматыўныя дакументы, якія рэгламентуюць прадпрымальніцкую дзейнасць.
 
Як адзначыў Руслан Страхар, 22 красавіка бягучага года ў краіне прыняты закон аб змяненні законаў па пытаннях прадпрымальніцкай дзейнасці, нормы якога накіраваны на ўстанаўленне простых і зразумелых умоў і стымулаў для арганізацыі і маштабавання сваёй справы, стварэння канкурэнтнага асяроддзя паміж рознымі арганізацыйна-прававымі формамі бізнесу. У развіццё гэтага закона будзе прыняты яшчэ шэраг нарматыўна-прававых актаў, якія рэгламентуюць вядзенне бізнесу, ажыццяўленне рамеснай дзейнасці, аказанне дзяржаўнай фінансавай падтрымкі, нормы якіх пачнуць працаваць з 1 кастрычніка бягучага года.

Заканадаўчы дакумент мае на ўвазе стварэнне пералікаў відаў дзейнасці для ІП і самазанятых, а таксама па спрошчаны парадак пераходу ІП у юрыдычную асобу.
 
«Асобныя палажэнні закона нельга назваць навацыямі для існуючага бізнэсу, - лічыць Руслан Барысавіч, - бо гэтыя змены былі чаканымі. І суб'екты прадпрымальніцтва ўжо сёння прынялі для сябе рашэнне, якім шляхам ісці далей. Красамоўна гэта пацвярджае актыўная рэгістрацыя камерцыйных арганізацый у другім паўгоддзі 2023 і першым квартале 2024 года, а таксама актывізацыя рэгістрацыі індывідуальных прадпрымальнікаў у першым квартале бягучага года.

Як бачым, у нашай краіне ствараецца зручнае і зразумелае заканадаўства, якое дазваляе працаваць усім суб'ектам гаспадарання».

mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая