Самаізаляцыя і іншыя абмежаванні: як гэта працуе ў Магілёўскай вобласці

Своечасовае выяўленне і самаізаляцыі так званых кантактаў 1-га ўзроўню – адзін з найважнейшых крокаў стрымлівання распаўсюджвання віруса. І тут многае залежыць ад грамадзянскай свядомасці.

Вуліца Яраслаўская ў Магілёве – адзін з адрасоў, куды накіроўваецца мабільная група. Урач у спецыяльным касцюме – менавіта ён мае зносіны з людзьмі максімальна блізка. Медыкі разам з міліцыянерамі ажыццяўляюць кантроль штодня. Да адных заходзяць асабіста, іншым тэлефануюць. Але бывае, што дома нікога няма і на званкі не адказваюць. А гэта ўжо парушэнне ўмоў самаізаляцыі.

Вадзіцелі-дальнабойшчыкі, якія едуць транзітам праз Беларусь, абавязаны праехаць краіну за суткі. Пры гэтым рух дазволены толькі па дарогах рэспубліканскага значэння. На іх жа знаходзяцца спецыяльна вызначаныя зоны адпачынку і заправачныя станцыі. За парушэнне патрабаванняў перамяшчэння супрацоўнікі дзяржаўтаінспекцыі ўжо прыцягнулі да адказнасці больш за семдзесят кіроўцаў.

Але ўсё ж даць дакладны адказ аб наяўнасці або адсутнасці ў арганізме каранавірусаа здольныя толькі спецыяльныя даследаванні. Біяматэрыял пацыента дастаўляюць у лабараторыі максімальна аператыўна. Праца не спыняецца ні на хвіліну. У такім спецыяльным ахоўным касцюме, з пластыкавым экранам і абавязкова ў рэспіратары працуюць урачы-лабаранты і вірусолагі. Лабараторыі працуюць круглыя суткі.

Само даследаванне доўжыцца ад 4 да 6 гадзін. Але ёсць і прабіркі з паметкай «тэрмінова» – гэта тыя біяматэрыялы, якія трэба праверыць у першую чаргу. У Магілёўскай лабараторыі для дыягностыкі асабліва небяспечных інфекцый з тэстамі на каранавірус працуюць крыху больш за месяц. Пачыналі са 100–150 даследаванняў, сёння ў суткі ўрачы робяць больш за 700.

ТРК «Магілёў»