Сапраўдны кінатэатр пад адкрытым небам. Як прайшоў гала-канцэрт на «Купалле» ў Александрыі

Адным з самых яркіх элементаў рэспубліканскага свята «Купалле» («Александрыя збірае сяброў») стаў вялікі гала-канцэрт.

Кожны год канцэртная праграма мяняе сваю канцэпцыю - сёлета гэта «Кінатэатр «Александрыя». Як расказалі арганізатары, гала-канцэрт прайшоў у фармаце мюзікла і інтэрактыву. Асноўнай тэмай стала кіно, былі выкарыстаны адсылкі да вельмі папулярных, любімых і пераважна савецкіх кінафільмаў, і, адпаведна, рэпертуар складаўся  з папулярнай музыкі з кінафільмаў, але ў сучаснай інтэрпрэтацыі ў выкананні вядучых артыстаў Беларусі.

Сярод тых, хто выйшаў на сцэну, - заслужаныя артысты Аляксандр Саладуха, Вікторыя Алешка, Алёна Ланская, Руслан Аляхно, Дзмітрый Качароўскі. Акрамя таго, прынялі ўдзел народныя артысты Анатоль Ярмоленка і Уладзімір Громаў, заслужаная артыстка Беларусі Юлія Быкава, заслужаны дзеяч мастацтваў Яўген Алейнік, салісты оперы Аляксандр Міхнюк і Аляксандр Гелах, арт-група «Беларусы», дуэт баяністаў «НеБа Sound», акцёры сталічных тэатраў, а таксама калектывы Магілёўскай вобласці і многія іншыя.

Фінальным акордам гала-канцэрта стаў яркі феерверк і купальскае вогнішча на беразе Дняпра.

БЕЛТА