Пасяджэнне Камісіі Парламенцкага сходу Саюза Беларусі і Расіі па інфармацыйнай палітыцы пройдзе 31 сакавіка ў Магілёве, паведамілі ў прэс-службе сходу.
Дэпутатам будзе прадстаўлена інфармацыя аб Саюзнай праграме па фарміраванні адзіных прынцыпаў функцыянавання адзінага рынку сувязі і інфарматызацыі ў мэтах рэалізацыі дэкрэта Вышэйшага дзяржаўнага савета ад 4 лістапада 2021 года № 6 «Аб Асноўных напрамках рэалізацыі палажэнняў Дагавора аб стварэнні Саюзнай дзяржавы на 2021–2023 гады», – адзначылі ў прэс-службе.
Удзельнікі пасяджэння разгледзяць пытанні дзейнасці саюзных СМІ і абмяркуюць асноўныя напрамкі развіцця сродкаў масавай інфармацыі Саюзнай дзяржавы на сучасным этапе. Акрамя таго, парламентарыі абмяркуюць ролю рэгіянальных СМІ ў інфармацыйным забеспячэнні будаўніцтва Саюзнай дзяржавы і азнаёмяцца з вопытам працы сродкаў масавай інфармацыі Магілёўскай вобласці па асвятленні інтэграцыйных працэсаў.
Прадугледжана таксама сустрэча саюзных парламентарыяў з кіраўніцтвам Магілёўскага абласнога выканаўчага камітэта і Магілёўскага абласнога Савета дэпутатаў, а таксама наведванне мемарыяльнага комплексу «Буйніцкае поле».
Да ўдзелу ў пасяджэнні камісіі запрошаны прадстаўнікі Пастаяннага камітэта Саюзнай дзяржавы, Міністэрства сувязі і інфарматызацыі Беларусі, Міністэрства лічбавага развіцця, сувязі і масавых камунікацый РФ, Федэральнай антыманапольнай службы, Магілёўскага абласнога выканаўчага камітэта і Магілёўскага абласнога Савета дэпутатаў, а таксама кіраўнікі СМІ Саюзнай дзяржавы і СМІ Магілёўскай вобласці.
Пры выкарыстанні матэрыялаў актыўная гіперспасылка на mogilev-region.gov.by абавязковая
03.05.2024 - 18:15
02.05.2024 - 16:19
Анатоль Ісачанка - дэпутатам: неабходна выбудоўваць выразную камунікацыю на ўсіх узроўнях
01.05.2024 - 13:55
30.04.2024 - 10:48