Сенатар Аляксандр Гарошкін правёў маніторынг цэн у Слаўгарадскім раёне

Член Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы, старшыня Магілёўскага абласнога Савета дэпутатаў Аляксандр Гарошкін 18 чэрвеня падчас рабочай паездкі правёў маніторынг цэн на сацыяльна значныя тавары ў гандлёвых аб'ектах Слаўгарадскага раёна.

Аляксандр Рыгоравіч наведаў магазін «Родны Кут», дзе азнаёміўся з цэнамі на малако, агуркі, яблыкі, яйкі, каўбасныя і хлебабулачныя вырабы.

- У цяперашні час маніторынг вельмі важны, паколькі гэта лакмусавая паперка, якая дазваляе органам улады аператыўна атрымліваць інфармацыю і прымаць меры пры ўзнікненні якой-небудзь напружанасці, гэта свайго роду клопат дзяржавы аб дабрабыце сваіх грамадзян. Падобная практыка будзе працягнутая і надалей, - адзначыў сенатар.

mogilevnews.by