Сезон восеньскіх кірмашоў стартуе ў Магілёве з 24 верасня

Традыцыйныя восеньскія сельскагаспадарчыя кірмашы пачнуць працу ў Магілёве ў гэтыя выхадныя, паведамілі ва ўпраўленні гандлю і паслуг гарвыканкама.

Першы з іх пройдзе 24–25 верасня на вуліцы Алтайскай. З 10:00 да 16:00 на тэрыторыі, прылеглай да сярэдняй школы № 13, будзе прадстаўлены поўны асартымент сельскагаспадарчай прадукцыі ад садавіны і агародніны новага сезону да мяса, рыбы і саджанцаў. Тавары прадставяць сельгасвытворцы, фермеры і фізічныя асобы.

З 30 верасня па 2 кастрычніка папоўніць запасы ўраджаю можна будзе ў мікрараёне Саломінка каля гандлёвага цэнтра «Форум», а 1 і 2 кастрычніка пакупнікоў чакаюць на традыцыйнай пляцоўцы каля парку атракцыёнаў па праспекце Пушкінскім. Таксама 1 кастрычніка восеньскі кірмаш будзе працаваць у скверы 40-годдзя Перамогі.

Далей кірмашы пройдуць:

♦ 8 кастрычніка ў мікрараёне Спадарожнік (каля СШ № 45, вуліца Куляшова, 20);

♦ 8–9 кастрычніка на пляцоўцы «Магілёў» (праспект Пушкінскі, 1) і ў мікрараёне Юбілейны (раён дома № 25 па вуліцы Каралёва);

♦ 14–16 кастрычніка ў мікрараёне Казіміраўка каля міні-рынка «Казіміраўскі»;

♦ 15–16 кастрычніка на тэрыторыі, прылеглай да фізкультурна-аздараўленчага комплексу «Н2О» (вуліца Златавустаўскага, 24);

♦ 22–23 кастрычніка на тэрыторыі, прылеглай да культурна-забаўляльнага комплексу «Рэнесанс» (вуліца Чалюскінцаў, 64);

♦ 22 кастрычніка ў мікрараёне Мір-2 (раён дома № 2 па вуліцы Арлоўскага) і мікрараёне Ямніцкі;

♦ 29–30 кастрычніка на пляцоўцы «Магілёўатракцыёны» (праспект Пушкінскі, 1);

♦ 28 кастрычніка – 7 лістапада ў мікрараёне Саломінка каля гандлёвага цэнтра «Форум»;

♦ 5–6 лістапада на тэрыторыі, прылеглай да фізкультурна-аздараўленчага комплексу «Н2О» (вуліца Златавустаўскага, 24);

♦ 12–13 лістапада на пляцоўцы «Магілёўатракцыёны» (праспект Пушкінскі, 1).

Але, падкрэслілі ў гарвыканкаме, у графіцы сельгаскірмашоў магчымыя змены.

 СБ