Школьніцы з Асіповічаў уручыў пашпарт старшыня Цэнтральнай выбарчай камісіі

Напярэдадні святкавання Дня Канстытуцыі Рэспублікі Беларусь па ўсёй краіне праходзіць Усебеларуская патрыятычная акцыя «Мы - грамадзяне Беларусі!».

Юныя беларусы ва ўрачыстай абстаноўцы з рук прадстаўнікоў дзяржаўнай улады атрымліваюць пашпарты. Сёння васьмікласніца СШ №3 Кацярына Атрашэўская атрымала пашпарт грамадзяніна Рэспублікі Беларусь з рук старшыні Цэнтральнай выбарчай камісіі Ігара Карпенкі.

Адметна, што сама ўрачыстая цырымонія праходзіла ў Доме Урада, дзе таксама адбыўся дыялог хлопчыкаў і дзяўчынак з Ігарам Васільевічам. Пасля школьнікі пабывалі ў Прэзідэнцкай бібліятэцы.

Кацярына прымае актыўны ўдзел у алімпіядах, конкурсах. У скарбонцы яе дасягненняў - другое месца ў раённым этапе абласнога конкурсу агітбрыгад і перамога ў конкурсе навукова-даследчых работ па біялогіі.

osipovichi-region.by