СМІ Магілёўскай вобласці – у ліку пераможцаў конкурсу на самае лепшае асвятленне міжнацыянальных і міжканфесійных адносін

Падведзены вынікі рэспубліканскага конкурсу на самае лепшае асвятленне пытанняў міжнацыянальных і міжканфесійных адносін, міжкультурнага дыялогу ў Беларусі і супрацоўніцтва з суайчыннікамі за мяжой.

У творчым спаборніцтве ўдзельнічалі прафесійныя журналісты і пазаштатныя аўтары, рэдакцыі СМІ, інфармацыйныя агенцтвы. Сёлета для разгляду былі атрыманыя матэрыялы на рускай і беларускай мовах ад 58 удзельнікаў.

За высокапрафесійнае асвятленне тэмы ў намінацыі «Друкаваныя СМІ і інфармацыйныя агенцтвы» журы прысудзіла дыплом III ступені і трэцюю прэмію – газеце «Ударны фронт» (Шклоў). У намінацыі «Тэлевізійныя і радыёвяшчальныя СМІ» дыпломам III ступені і трэцяй прэміяй адзначана галоўны рэдактар радыё «Магілёў» тэлерадыёкампаніі «Магілёў» Ніна Міхнова.

За высокапрафесійнае асвятленне пытанняў міжнацыянальных і міжканфесійных адносін, міжкультурнага дыялогу і супрацоўніцтва з суайчыннікамі за мяжой узнагароджаны дыпломамі ўпаўнаважанага па справах рэлігій і нацыянальнасцяў і спецыяльнымі прызамі газеты «Бабруйскае жыццё» і «Трыбуна працы» (Бабруйск), інфармацыйнае агенцтва «Магілёўскія ведамасці».

Рэд.