Стала вядома праграма фестывалю «Рыцарскі фэст. Мсціслаў-2025»

Мсціслаў 2-3 жніўня запрашае гасцей і жыхароў раёна на свята сярэднявечнай культуры «Рыцарскі фэст. Мсціслаў-2025». Урачыстасці пачнуцца 2 жніўня тэатралізаванай сустрэчай гасцей свята з 9.00 да 10.00, пачастункам ахаладжальнымі напіткамі і стравамі беларускай кухні на скрыжаванні па вуліцы Пралетарскай.

Далей арганізатары запрашаюць усіх жадаючых наведаць Замкавую гару, дзе а 10-й гадзіне адбудзецца ўрачыстае адкрыццё свята сярэднявечнай культуры «Рыцарскі фэст. Мсціслаў-2024». Таксама з 10.00 на вуліцы Савецкай гледачоў парадуе выступленнямі вулічная батлейка. Артысты падрыхтавалі лялечны паказ «Сказ аб адважным рыцары», «Пра рыцара і прынцэсу», «Як стары са старой пяклі кулябяку» і майстар-клас па вырабе батлеечнай лялькі. Па гэтай жа вуліцы каля дома №11 (будынак былога гатэля, кафетэрыя «Казка») з 13.30 па 20.00 можна будзе прайсці квэст «Таямніцы рукапісу Сярэднявечча» і зрабіць памятныя здымкі ў фотазоне. Акрамя таго, з 10.30 да 24.00 для наведвальнікаў будзе працаваць выстава-інтэрактыў «Паляванне на ведзьмаў».

З 11.00 вуліцы Савецкая, Пірагоўская, Юрчанка ператворацца ў горад майстроў: тут будуць працаваць выставы і фотазоны. Па вуліцы Камсамольскай з 11.00-22.00 будзе арганізавана работа назіральнай пляцоўкі на Пажарнай каланчы «Пад заступніцтвам Агнябога».

Па вуліцы Юрчанкі з 12.00 да 19.00 на тэрыторыі дзіцячай школы мастацтваў разгорнецца інтэрактыўная гульнявая пляцоўка «Скарбы старога горада». А ля спуску да Замкавай гары Раённы цэнтр культуры і народнай творчасці прадставіць вулічную музычную імправізацыю «Дыханне ветру». Таксама з 10.00 да 22.00 працягнецца праца вулічнага кінатэатра «5D». Дзіцячы парк запрашае ў гэты дзень на фестываль фарбаў «Фарбы лета» ў 14.00.

Тым часам, на Замкавай гары з 11.30 да 22.00 чакаецца праца інтэрактыўнай пляцоўкі майстроў кавальскага кавання (выстава-продаж, майстар-клас) «Старажытная кавадла». Таксама з 11.30 пачнецца прыгатаванне і продаж сярэднявечных страў «Формула сярэднявечнай кухні». З 11.00 да 22.00 будзе дзейнічаць выстава ваеннага зброевага арсенала «Зброя пяці стагоддзяў» (вежа-данжон), экскурсія «Старажытнае гарадзішча замчышча 12-13 стагоддзяў», выстава ўнікальных прадметаў эвалюцыі жаночай моды і прыгажосці «Элегантная гісторыя» (архе. У 11.30-13.10 будзе прадстаўлена гатычная казка «Помста і Магіла льва» конна-гістарычнага клуба «Залатая шпора», бугурты, баі пешых рыцараў.

У 14.00–15.40 пройдуць паказальныя выступленні, трукавае шоу клуба «Шатландская пяхота» (г. Маладзечна), майстар-клас па шатландскіх танцах «танец дружбы», канцэрт фолк-групы «Арацэя».

У 16.30-18.10 запланаваны традыцыйны турнір 17 стагоддзя «Гусарская Карузель» конна-гістарычнага клуба «Залатая шпора», тактычныя бугурты («Захоп сцяга», «Ахова Караля» і г.д.), масавыя бітвы, турнір лучнікаў «Стралакоў». У 19.00-20.40 чакаюцца рыцарскія забавы «Гульні гонару і адвагі» конна-гістарычнага клуба «Залатая шпора», масавыя баі, тактычныя манеўры, тэатралізаваны штурм замка.

Далей у 21.30–23.30 гледачоў чакаюць фаер-шоу «Атамамаоры», фаер-шоу вогненнага цырка «Крэсіва» (г. Мінск), канцэрты альтэрнатыўнага гурта «Неўрыда» і гурта «КаS» (г. Мінск).

А ў ноч з 2 на 3 жніўня на Замкавай гары з 00.10 да 03.30 святочную праграму працягне фаер-шоу вогненнага цырка «Крэсіва», канцэрты гурта «РэдФоксбэнд» (г. Мсціслаў), альтэрнатыўнага гурта «Eibelstraat», дэманстрацыя мастацкага фільма.

Прайсці на свята бясплатна змогуць дзеці-сіроты, інваліды пры прад'яўленні дакумента, які пацвярджае. Дзецям ва ўзросце ад 5 да 10 гадоў будуць прадастаўляцца льготныя білеты, са скідкай 50 працэнтаў ад кошту поўнага білета. Кошт білетаў на святочныя пляцоўкі складзе ад Br2 да Br10. Білетам коштам Br8 можна будзе скарыстацца на ўсе блокі мерапрыемства такім жа коштам.

Пры набыцці комплекснага білета да 1 жніўня на шоу-праграмы, якія будуць праходзіць на Замкавай гары ў 11.30, 16.30, 19.00, 21.30, 00.30, у падарунак госці свята атрымаюць бясплатны білет на паказальныя выступленні ў 14.00-15.40.

У праграме магчымы змены.

Па матэрыялах mstlife.by