Старшыня Магілёўскага аблвыканкама Анатоль Ісачанка прадставіў новага кіраўніка Магілёўскага райвыканкама

27 верасня адбылося сёмае пазачарговае пасяджэнне сесіі Магілёўскага раённага Савета дэпутатаў пад старшынствам кіраўніка дэпутацкага корпуса Сяргея Ярошчанкі, падчас якога губернатар Магілёўскай вобласці Анатоль Ісачанка прадставіў новага кіраўніка раёна Дзмітрыя Мудрагелава. Напярэдадні яго кандыдатура на пасаду была ўзгоднена Прэзідэнтам Рэспублікі Беларусь Аляксандрам Лукашэнкам.

Прадстаўляючы новага кіраўніка Магілёўскага раёна, Анатоль Ісачанка ахарактарызаваў яго як вопытнага кіраўніка.

Дзмітрый Мудрагелаў ураджэнец Магілёўскага раёна. У 1999 годзе скончыў інстытут павышэння кваліфікацыі і перападрыхтоўкі кадраў пры Магілёўскім машынабудаўнічым інстытуце, Акадэмію кіравання пры Прэзідэнце Рэспублікі Беларусь. Мае спецыяльнасці па адукацыі: камерцыйная дзейнасць, правазнаўства, дзяржаўнае і мясцовае ўпраўленне.

З 1999 па 2008 год Дзмітрый Мудрагелаў працаваў на розных пасадах у Магілёўскім дзяржаўным тэхнічным універсітэце, Беларуска-Расійскім універсітэце. З 2008 па 2012 быў вядучым спецыялістам агульнага аддзела ўпраўлення справамі Магілёўскага аблвыканкама, з 2012 па 2015 - памочнікам старшыні Магілёўскага аблвыканкама, з 2015 па 2019 - намеснікам старшыні, першым намеснікам старшыні камітэта эканомікі Магілёўскага аблвыканкама. З 2019 года да лютага 2024 года Дзмітрый Міхайлавіч кіраваў камітэтам эканомікі Магілёўскага аблвыканкама.

Да прызначэння на пасаду старшыні Магілёўскага райвыканкама працаваў выканаўчым дырэктарам ААТ «Клімавіцкі лікёра-гарэлачны завод».

Прадстаўляючы новага старшыню Магілёўскага райвыканкама, Анатоль Ісачанка акцэнтаваў увагу на высокіх прафесійных якасцях Дзмітрыя Мудрагелава. Ён адзначыў, што за час сваёй працы Дзмітрый Міхайлавіч зарэкамендаваў сябе як кампетэнтны кіраўнік і ўмелы арганізатар, які адказна падыходзіць да выканання службовых абавязкаў і здольны прымаць важныя рашэнні.

Губернатар падкрэсліў, што Магілёўскі раён мае ўсе неабходныя ўмовы для актыўнага супрацоўніцтва з інвестарамі.

- Без інвестыцый нічога не будзе, - сказаў ён. - Сёння Магілёўскі раён павінен дынамічна развівацца. Важна не проста працаваць, а лічыць і зарабляць грошы. Эканоміка - гэта аснова нашага поспеху.

Кіраўнік Прыдняпроўскага краю пажадаў Дзмітрыю Міхайлавічу поспехаў на кіруючай пасадзе на карысць Магілёўскага раёна і яго жыхароў, а таксама падзякаваў за добрасумленную работу Алегу Чыкіду, які да гэтага часу ўзначальваў раён.

Прадстаўляючы новага старшыню Магілёўскага райвыканкама, Анатоль Ісачанка акцэнтаваў увагу на высокіх прафесійных якасцях Дзмітрыя Мудрагелава. Ён адзначыў, што за час сваёй працы Дзмітрый Міхайлавіч зарэкамендаваў сябе як кампетэнтны кіраўнік і ўмелы арганізатар, які адказна падыходзіць да выканання службовых абавязкаў і здольны прымаць важныя рашэнні.

Губернатар падкрэсліў, што Магілёўскі раён мае ўсе неабходныя ўмовы для актыўнага супрацоўніцтва з інвестарамі.

- Без інвестыцый нічога не будзе, - сказаў ён. - Сёння Магілёўскі раён павінен дынамічна развівацца. Важна не проста працаваць, а лічыць і зарабляць грошы. Эканоміка - гэта аснова нашага поспеху.

mogilevnews.by