Старшыня Магілёўскага аблвыканкама павіншаваў Дзінару Алімбекаву з перамогай на этапе Кубка свету па біятлоне

Дарагая Дзінара!

Ад імя Магілёўскага абласнога выканаўчага камітэта і ўсіх жыхароў вобласці віншую з заслужанай перамогай на этапе Кубка свету па біятлоне!

Гэта была прыгожая, уражлівая і абнадзейвальная гонка. Дзякуй за яркае выступленне! Вы ні на секунду не спынілі барацьбу, праявілі высокую волю да перамогі і гатоўнасць дасягаць найвышэйшых вынікаў. Вы падарылі радасць мільёнам грамадзян нашай краіны, у тым ліку сваім землякам – балельшчыкам Магілёўскай вобласці. Мы ганарымся, што ў гонар нашай спартсменкі гучаў гімн Беларусі на такім прэстыжным міжнародным старце.

Жадаю Вам так жа ўпэўнена і яскрава правесці наступныя старты сезона. Хай гэта дасягненне натхніць на новыя спартыўныя здзяйсненні!

Поспехаў, упартасці і цудоўных перамог!

Старшыня Магілёўскага абласнога выканаўчага камітэта Леанід Канстанцінавіч Заяц