Стратэгічны рэсурс. Супрацоўнікі «Беллеспаперапрама» дапамаглі аднавіць лес у Быхаўскім лясгасе

Лес - стратэгічны эканамічны рэсурс для дрэваапрацоўчай і цэлюлозна-папяровай галіны і адно з галоўных багаццяў Беларусі. Пра гэта падчас акцыі «Дай лесу новае жыццё!» заявіў старшыня канцэрна «Беллеспаперапрам» Аляксандр Пшэнны, паведамілі ў прэс-службе канцэрна.

Супрацоўнікі канцэрна сталі ўдзельнікамі рэспубліканскай акцыі па аднаўленні лясоў, якія пацярпелі ад ліпеньскага ўрагану. Яны працавалі на тэрыторыі Прыборскага лясніцтва Быхаўскага лясгаса.

«Мы адчуваем падвойную адказнасць. Усе мы карыстаемся дабротамі лесу, любуемся яго прыгажосцю, дыхаем свежым паветрам, збіраем ягады, грыбы. Адначасова з гэтым для нашай краіны, для дрэваапрацоўчай і цэлюлозна-папяровай галіны лес з'яўляецца стратэгічным эканамічным рэсурсам. Традыцыйна нашыя прадпрыемствы падтрымліваюць добрыя ініцыятывы па аднаўленні лясоў. Гэтай вясной у рамках акцыі «Аднавім лясы разам!» ляснымі культурамі сіламі нашых людзей было засаджана больш за 60 га», - распавёў кіраўнік канцэрна.

БЕЛТА