Сучасную дзіцячую спартыўна-гульнявую пляцоўку адкрылі ў Бабруйску 7 лістапада

Аб'ект размясціўся на Маладзёжным бульвары. На плошчы 1700 квадратных метраў устаноўлена спартыўнае і гульнявое абсталяванне, трэнажоры, лавачкі, добраўпарадкаваны міні-поле для гульнявых відаў спорту і пешаходныя дарожкі. Словам, зроблена ўсё для камфортнага і вясёлага баўлення часу юных бабруйчан і не толькі.

На ўрачыстым адкрыцці прысутнічалі кіраўніцтва горада, прадстаўнікі дэпутацкага корпуса, грамадскіх арганізацый і мясцовыя жыхары.

- На святы мы традыцыйна робім падарункі. На гэтым месцы знаходзілася пустка. І сродкі ад суботніка, якія арганізацыі і прадпрыемствы пералічылі ў гарадскі бюджэт, мы накіравалі на будаўніцтва спартовай і дзіцячай пляцоўкі. Хацелася б, каб у Бабруйску больш было такіх аб'ектаў. У гэтым годзе мы ўзвялі ўжо 10 дзіцячых пляцовак і дзве спартыўныя. На гэтым мы не спыняемся. На наступны год прадугледжана будаўніцтва яшчэ шэрагу пляцовак у гэтай мікразоне. Са святам вас! І самае галоўнае, захоўвайце тое, што мы зрабілі для вас. Няхай дзеткі ўмацоўваюць сваё здароўе. І для дарослых тут таксама прадугледжаны гульнявыя віды спорту, - падкрэсліў старшыня Бабруйскага гарвыканкама Ігар Кісель.

bobrlife.by