Сумесная адукацыйная праграма: БДСГА і сельскагаспадарчы прафесійна-тэхнічны каледж КНР

Паміж УА «Беларуская дзяржаўная ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчая акадэмія» і Хэйлунцзянскім сельскагаспадарчым прафесійна-тэхнічным каледжам (КНР) адбылося падпісанне Дагавора аб рэалізацыі сумеснай адукацыйнай праграмы па падрыхтоўцы спецыялістаў на I і II ступенях атрымання вышэйшай адукацыі ў фармаце 3+3.

Для рэалізацыі гэтага Дагавора бакі арганізуюць сумеснае навучанне па спецыяльнасцях 1-74 02 03 «Абарона раслін і каранцін» і 1-74 03 01 «Заатэхнія».

– Сумесныя адукацыйныя праграмы з замежнымі партнёрамі – перспектыўны напрамак экспарту адукацыйных паслуг, – адзначылі ў БДСГА. – У нашай акадэміі ўжо навучаюцца студэнты з КНР, якія паступілі ў межах супрацоўніцтва з Куньміньскім металургічным каледжам (правінцыя Юньнань, КНР). Гэты від міжнароднай дзейнасці будзе развівацца ў БДСГА і ў далейшым.

Падпісанне новай сумеснай праграмы адбылося 5 ліпеня 2022 года.

 mogilevnews.by, фота БГСХА