Свята Пушкінскай паэзіі прайшло у Бабруйскім раёне

У аграгарадку Цялуша прайшло традыцыйнае мерапрыемства, прысвечанае творчасці вялікага рускага паэта А. С. Пушкіна. У суботні дзень паблізу сельскага Дома культуры сабраліся аматары і прыхільнікі паэтычнага таленту генія рускай літаратуры.

Праграма свята Пушкінскай паэзіі пачалася ў Свята-Мікольскім храме з памінальнай паніхіды, у якой прынялі ўдзел дэпутат Палаты прадстаўнікоў Нацыянальнага сходу Рэспублікі Беларусь Уладзімір Гацко, старшыня Бабруйскага райвыканкама Аляксандр Сухадольскі, мясцовыя жыхары і госці свята. Затым прайшла цырымонія ўскладання кветак да магілы ўнучкі Пушкіна Н. А. Варанцовай-Вельямінавай, якая доўгія гады пражывала ў сваім маёнтку непадалёк ад Цялушы і пакінула вяскоўцам пра сябе самую добрую памяць. Далей удзельнікаў мерапрыемства чакала тэатралізавана-паэтычная праграма.

У рамках свята былі арганізаваны выставы, продаж вырабаў дэкаратыўна-прыкладнога мастацтва. Працавалі дзіцячыя атракцыёны, гандлёвыя рады.

 tribunapracy.by