Сяргей Кавальчук: спорту ў рэгіёне надаецца вялікая ўвага, але ёсць да чаго імкнуцца

У ходзе паездкі ў рэгіён міністр азнаёміўся з шэрагам спартыўных і адукацыйных аб'ектаў. У прыватнасці Сяргей Кавальчук наведаў круглянскую ДЮСШ, мясцовы стадыён, Камсеніцкую сярэднюю школу імя Г.І. Шыбанава і сярэднюю школу №2.  

Асноўнай часткай візіту стала сустрэча міністра спорту і турызму з круглянскімі спецыялістамі ў сферы фізічнай культуры і спорту. У пасяджэнні прынялі ўдзел начальнік упраўлення спорту і турызму Магілёўскага аблвыканкама Сяргей Новікаў і старшыня Круглянскага райвыканкама Сяргей Ермаліцкі.

Падчас сустрэчы Сяргей Кавальчук падкрэсліў, што дзіцяча-юнацкая спартыўная школа знаходзіцца ў добрым стане: «Відаць, што дзеці займаюцца, існуе традыцыя перадачы спартсменаў у вышэйшае звяно падрыхтоўкі - вучылішча алімпійскага рэзерву, нацыянальныя каманды. У нядрэнным стане знаходзіцца стадыён, але ёсць да чаго імкнуцца, ёсць што падправіць, падкарэктаваць. Я думаю, тут здаровы калектыў, правільная абстаноўка і старшыня райвыканкама зацікаўлены ў тым, каб спорт развіваўся. Улічваючы, што ў абласной спартакіядзе Круглянскі раён увесь час на лідзіруючых пазіцыях, можна смела казаць пра тое, што гэтаму віду дзейнасці тут надаецца вялікая ўвага».

Падчас візіту ў рэгіён Сяргей Кавальчук наведаў алею герояў у Круглым і ўсклаў кветкі да помніка падпольнай партыйна-камсамольскай групы «Агляд», а таксама пабываў у экатуркомплексе «Мікалаеўскія сажалкі» і доме мастака Мікалая Неўрава.

Па матэрыялах mogilevnews.by