Сяргей Налівайка расказаў пра пастулаты, якія аб'ядноўваюць беларусаў

Памочнік Прэзідэнта - інспектар па Магілёўскай вобласці Сяргей Налівайка падчас сустрэчы з калектывам Беларускага дзяржаўнага ўніверсітэта харчовых і хімічных тэхналогій (БДУТ) расказаў пра пастулаты, якія аб'ядноўваюць беларусаў.

Галоўнай тэмай для абмеркавання сталі маючыя адбыцца выбары кіраўніка дзяржавы. Памочнік Прэзідэнта - інспектар па Магілёўскай вобласці падзяліўся з калектывам ВНУ асабістым поглядам на гэтую падзею. «Мне здаецца, любы разважны чалавек найперш будзе галасаваць за мір, адзінства і стабільнасць. Гэтыя пастулаты важныя для ўсіх і ўсіх аб'ядноўваюць», - сказаў ён.

Звяртаючыся да прадстаўнікоў моладзі, Сяргей Налівайка нагадаў, як важна іх меркаванне. «За вас ніхто нічога не вырашыць. Шчасце кожнага - у яго руках. А таму выкарыстоўвайце гэтую магчымасць», - заклікаў памочнік Прэзідэнта - інспектар па Магілёўскай вобласці.

У зносінах заўсёды важны дыялог, адзначыў Сяргей Налівайка. «Абмяняцца меркаваннямі, уражаннямі. У нас усё атрымалася, таму што задзел для гэтай сустрэчы быў зададзены пазітыўны, - падкрэсліў ён. - Напярэдадні выбараў хацелася б сказаць, каб кожны прыйшоў на іх і выкарыстаў гэтую магчымасць, каб даць ацэнку ўладзе. Калі пачынаюцца размовы аб тым, трэба ці не хадзіць на выбары, я ўпэўнены - трэба. Каб выканаць свой грамадзянскі абавязак. Тады перад самім сабой не будзе сорамна, што недзе адседзеўся і нехта за вас нешта вырашыў».

БЕЛТА