Сёння стартуе VIII Форум рэгіёнаў Беларусі і Расіі, які на працягу васьмі гадоў праходзіць пад эгідай верхніх палат парламентаў дзвюх краін – Савета Рэспублікі Нацыянальнага сходу Беларусі і Савета Федэрацыі Федэральнага сходу Расіі. Пра гэта паведамілі ў прэс-службе верхняй палаты парламента.
Чарговы форум пройдзе па 1 ліпеня. Яго асноўныя мерапрыемствы будуць арганізаваны ў рэжыме відэаканферэнцыі з-за пандэміі COVID-19.
Супрацоўніцтва паміж рэгіёнамі Расіі і Беларусі суправаджаецца нарастальным уплывам сучасных лічбавых тэхналогій на найважнейшыя сферы жыцця грамадства і дзяржавы, уключаючы ахову здароўя, эканоміку, нацыянальную бяспеку. У сувязі з гэтым сёлета тэмай форума стане навукова-тэхнічнае супрацоўніцтва Расіі і Беларусі ў эпоху лічбавізацыі. Актуальнасць дадзенай тэмы таксама абумоўлена асаблівым значэннем фарміравання адзінай навукова-тэхналагічнай прасторы ў працэсе інтэграцыі Расіі і Беларусі.
«Гэта вельмі важная тэма, якая з’яўляецца актуальнай і перспектыўнай для нашых краін», – падкрэсліла старшыня Савета Рэспублікі Наталля Качанава.
У першы дзень будзе арганізавана работа пяці секцый, якія пройдуць па некалькіх тэматычных напрамках: расійска-беларускае супрацоўніцтва ў сферы навукі і адукацыі ў эпоху «вялікіх выклікаў» і лічбавых тэхналогій; роля лічбавізацыі ў фарміраванні адзінай навукова-тэхналагічнай прасторы Саюзнай дзяржавы; узаемадзеянне Расіі і Беларусі па пытаннях рэалізацыі саюзных праграм і навукова-тэхнічных праектаў у межах міжнародных дагавораў; права і лічбавізацыя ў Саюзнай дзяржаве: перспектывы і напрамкі; моладзь анлайн: лічбавае асяроддзе будучыні.
Упершыню на палях форума адбудзецца сумеснае пасяджэнне кіруючых органаў Палаты маладых заканадаўцаў пры Савеце Федэрацыі і Моладзевага савета (парламента) пры Нацыянальным сходзе Беларусі.
30 чэрвеня, у другі дзень форума, адбудзецца пасяджэнне міжпарламенцкай камісіі Савета Рэспублікі i Савета Федэрацыі па міжрэгіянальным супрацоўніцтве.
«Чарговае пасяджэнне міжпарламенцкай камісіі дазволіць адкрыта абмеркаваць актуальныя пытанні двухбаковага ўзаемадзеяння і ролю рэгіёнаў у працэсе беларуска-расійскай інтэграцыі», – адзначыў намеснік старшыні Савета Рэспублікі Анатоль Ісачанка.
Асаблівая ўвага на форуме будзе нададзена пытанням узаемадзеяння бізнес-колаў. Перспектывы дзелавога супрацоўніцтва разгледзяць удзельнікі Савета дзелавога супрацоўніцтва гандлёва-прамысловых палат Расіі і Беларусі.
Важнай часткай яго праграмы стане пленарнае пасяджэнне, якое пройдзе 1 ліпеня ў рэжыме відэаканферэнцыі. У межах пасяджэння перад удзельнікамі выступяць кіраўнікі органаў дзяржаўнай улады, міністэрстваў і ведамстваў, дзелавых колаў дзвюх краін, а таксама эксперты ў сферы лічбавізацыі.
У мэтах надання новага імпульсу развіццю лічбавізацыі і навукова-тэхналагічнай прасторы ў Саюзнай дзяржаве на палях форума будзе падпісаны шэраг пагадненняў аб супрацоўніцтве, а таксама кантрактаў паміж прадпрыемствамі Беларусі і Расіі.
Пры выкарыстанні матэрыялаў актыўная гіперспасылка на mogilev-region.gov.by абавязковая
01.05.2024 - 13:55
30.04.2024 - 10:48
29.04.2024 - 13:41
Айчыннымі гатункамі на Магілёўшчыне засеяна 96 працэнтаў пасеваў збожжавых культур
26.04.2024 - 14:58
«Чарнобыльскі ўдар з'яднаў беларусаў». Памяць ахвяр аварыі на ЧАЭС ушанавалі ў Слаўгарадзе