Сёння ў Бабруйску пройдзе рэспубліканская народна-патрыятычная акцыя «Мы разам - за Беларусь!»

Сёння, 2 лістапада, у Бабруйску пройдзе народна-патрыятычная акцыя «Мы разам - за Беларусь!». Яе арганізатар Федэрацыя прафсаюзаў Беларусі сумесна з Рэспубліканскім грамадскім аб'яднаннем «Патрыёты Беларусі».

З 2022 года Федэрацыя прафсаюзаў Беларусі сумесна з РГА «Патрыёты Беларусі» праводзяць акцыю «Захаваем гісторыю», у рамках якой у памятных, гістарычных месцах устанаўліваюцца таблічкі з QR-код. Па ўсёй краіне ўжо аблічбаваны 1,5 тысячы помнікаў, сёлета - яшчэ 1 тысяча. Прыкладна 40 тысяч чакаюць сваёй чаргі.

Каля аднаго з такіх помнікаў 2 лістапада таксама будзе ўсталяваны QR-код. Гэтае месца знаходзіцца на вуліцы Сацыялістычная ля тэрыторыі «Санаторый ім. В.І. Леніна». На тым месцы ў чэрвені 1944 г. воіны 1-га беларускага фронту вызвалялі Бабруйск ад нямецка-фашысцкіх захопнікаў. Скануючы код смартфонам або планшэтам любы грамадзянін зможа даведацца аб гістарычнай падзеі звязанай з гэтым месцам, убачыць фота і відэаматэрыялы.

- Інтэрактыўныя тэхналогіі дазваляюць даведвацца больш аб тым, што адбывалася на беларускай зямлі ў гады Вялікай Айчыннай вайны. Асабліва гэта важна для моладзі. І гэтая сучасная тэхналогія яшчэ адзін са мноства спосабаў данесці да людзей гісторыю тых падзей. Мы як грамадская арганізацыя такой акцыяй падкрэсліваем важнасць захавання гістарычнай памяці. І яна павінна быць не толькі на словах, але і ва ўчынках, - адзначыў значнасць падзеі старшыня Магілёўскага абласнога аб'яднання прафсаюзаў Уладзімір Цумараў.

У 15:00 рэспубліканская акцыя працягнецца ў Палацы мастацтваў Бабруйска. Там пройдзе ўшаноўванне найлепшых працаўнікоў горада, а пасля адбудзецца святочны канцэрт з удзелам зорак беларускай эстрады.

Удзел у мерапрыемствах прымуць кіраўніцтва Федэрацыі прафсаюзаў Беларусі, Магілёўскай вобласці, горада Бабруйска, дырэктара найбуйнейшых прадпрыемстваў Бабруйска, грамадскасць.

mogilev.1prof.by