RU BY EN 中文
Twitter Instagram

Толькі ад выніку нашай працы будзе залежаць тое, як мы будзем жыць далей. Анатоль Ісачанка сустрэўся з актывам Бабруйскага раёна

Старшыня Магілёўскага аблвыканкама Анатоль Ісачанка 15 студзеня правёў сустрэчу з актывам Бабруйскага раёна, якая адбылася ў раённым Цэнтры культуры.

У мерапрыемстве таксама прыняў удзел старшыня Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, навуцы і культуры Ігар Марзалюк.

Адкрываючы сход, Анатоль Ісачанка адзначыў, што толькі ад выніку нашай працы будзе залежаць тое, як мы будзем жыць далей.

- Нягледзячы на прагнозы заходніх аналітыкаў, нам не сорамна паглядзець на пройдзены шлях, мы шмат зрабілі, - падкрэсліў кіраўнік рэгіёну. - Нам сапраўды ёсць чым ганарыцца. Бо мы не згарнулі з курсу пабудовы сацыяльнай дзяржавы, у аснове якой - чалавек з яго штодзённымі патрэбамі. Менавіта таму асноўнымі прыярытэтамі рэгіянальнага развіцця, як і раней, застаюцца жыллё, камфортнае асяроддзе, дарогі.

На думку губернатара, у працы з людзьмі дробязяў не бывае: «Бо часта яны судзяць аб цэнах не па статыстыцы, а па сваім кашальку, аб якасці адукацыі - па зносінам з канкрэтным педагогам, аб узроўні медыцыны - па ФАП або паліклініцы, у якіх абслугоўваюцца , пра ўладу - па дзеяннях канкрэтнага чыноўніка, да якога яны звярнуліся».

Анатоль Ісачанка падкрэсліў, што сацыяльная дзяржава - гэта наш нязменны нацыянальны брэнд.

- Якімі б напружанымі і адказнымі не былі пастаўленыя задачы, яны будуць паспяхова вырашаны, таму што мы - адзіныя, - сказаў Анатоль Ісачэнка. - Мы думаем пра сваю Радзіму. І сваю будучыню мы будзем будаваць толькі разам. Разам з нашым Прэзідэнтам.

 mogilevnews.by

Пры выкарыстанні матэрыялаў актыўная гіперспасылка на mogilev-region.gov.by абавязковая