Другі дзень знаходжання дэлегацыі Магілёўскай вобласці ў горадзе Цяньцзінь пачаўся з правядзення круглага стала з прэзентацыяй «Турыстычных магчымасцей Магілёўскай вобласці». Як паведаміў намеснік начальніка ўпраўлення спорту і турызму аблвыканкама Вадзім Брэжазінскі, сустрэча прайшла ў культурным цэнтры новага раёна Біньхай горада Цяньцзінь. З кітайскага боку ў ім бралі ўдзел кіраўнікі і прадстаўнікі Бюро культуры і турызму горада, прадстаўнікі турыстычных кампаній, а таксама СМІ.
«Мерапрыемства было арганізавана на высокім узроўні. Найбольшую цікавасць у кітайскага боку выклікала прырода нашай краіны, разнастайнасць жывёльнага свету, а таксама архітэктурныя асаблівасці рэгіёну, - расказаў Вадзім Брэжэзінскі. - Па выніках перагавораў будзе падрыхтаваны і ўзгоднены план сумесных дзеянняў па ўзаемадзеянні ў турыстычнай сферы. Абмяркоўваюцца ўмовы падпісання мемарандума аб супрацоўніцтве. Таксама кітайскія калегі разглядаюць магчымасць наведаць Магілёўшчыну ў рэкламна-азнаямленчым туры для турыстычных кампаній і сродкаў СМІ».
Юлія Таранава
Пры выкарыстанні матэрыялаў актыўная гіперспасылка на mogilev-region.gov.by абавязковая
01.08.2025 - 12:59
Аўтапаркоўкі і панарамныя ліфты: над чым працуюць на прадпрыемстве «Магілёўліфтмаш»
29.07.2025 - 17:21
Залатая гарачая пара ў разгары: на Магілёўшчыне аграрыі ўдарна ўбіраюць ураджай азімага рапсу
28.07.2025 - 19:54
Дэлегацыя з Кітая з працоўным візітам наведвае Магілёўскую вобласць