RU BY EN 中文
Twitter Instagram

У Асіповічах плануюць рэканструяваць цэнтральную плошчу

Рэканструкцыя цэнтральнай плошчы горада запланавана на бягучы год. Зараз вядзецца распрацоўка архітэктурнага рашэння і першыя вынікі ўжо існуюць у выглядзе 3D-мадэлі.

З цэнтральнай часткі плошчы плануецца прыбраць трыбуну і дрэвы, якія праз узрост і хваробы ўжо даволі даўно не выконваюць эстэтычную функцыю. Помнік У. І. Леніну застанецца як даніна павагі гісторыі.

На вызваленай прасторы з’явіцца месца для Дошкі гонару, фантана, малых архітэктурных формаў і сучасных элементаў азелянення. Будзе ўстаноўдены вялікі экран, які плануецца выкарыстоўваць для святочных трансляцый, інфармацыйных і рэкламных паведамленняў.

Кампазіцыйную завершанасць надасць нацыянальны арнамент, выкладзены пліткай з боку вуліцы Сумчанкі.

Аўтапаркоўкі на вуліцах Дзяржынскага і Каралёва павінны быць пашыраныя і абсталяваныя ў адпаведнасці з патрабаваннямі дарожнай бяспекі і выгады карыстання.

Кіраўніцтва раёна падкрэслівае пажаданасць таго, каб жыхары горада азнаёміліся з напрацоўкамі праектантаў і выказалі сваё меркаванне. Калі спатрэбіцца, то ў план рэканструкцыі будуць унесены адпаведныя змены.

У гэтай сувязі да 9 сакавіка праходзяць грамадскія абмеркаванні. Прапановы, заўвагі і ўласныя праекты можна высылаць на электронны адрас zampredosip@tut.by.

gzt-akray.by

Пры выкарыстанні матэрыялаў актыўная гіперспасылка на mogilev-region.gov.by абавязковая