У Бабруйску 17 снежня пройдзе традыцыйны навагодні баль у межах рэспубліканскай акцыі «Нашы дзеці»

Навагодні баль для дзяцей, якія дабіліся высокіх вынікаў у вучэбнай дзейнасці, творчасці і спорце, пройдзе 17 снежня ў Бабруйску. Пра гэта паведаміла начальнік упраўлення адукацыі Бабруйскага гарвыканкама Алена Лісіца.

Удзельнікамі балю стануць 34 пары устаноў агульнай сярэдняй адукацыі.

«Мерапрыемства пройдзе ў цэнтры дадатковай адукацыі дзяцей і моладзі горада. Навагодні баль адбудзецца ў межах рэспубліканскай навагодняй дабрачыннай акцыі «Нашы дзеці». Дзяцей чакаюць падарункі ад старшыні Бабруйскага гарадскога выканаўчага камітэта і яшчэ некаторыя сюрпрызы», – тлумачыць Алена Сяргееўна.

З навагоднімі і каляднымі святамі ўсіх прысутных павіншуюць добры Дзед Мароз і казачная Снягурка. Як у найлепшых традыцыях сапраўдных баляў, лэдзі будуць у вячэрніх і бальных сукенках, а джэнтльмены – у касцюмах. Яны будуць танцаваць паланэз, польку знаёмстваў, вальс і іншыя класічныя танцы.

bobrlife.by