У Бабруйску пры пажары загінуў інвалід 3-й групы

Сем пажараў адбылося за суткі ў Магілёўскай вобласці, адзін чалавек загінуў. Пра гэта паведаміла старшы інспектар абласнога ўпраўлення МНС Вольга Нехарошых.

Трагедыя адбылася сёння ноччу. У службу МНС патэлефанавалі жыхары дзевяціпавярховага жылога дома па праспекце Будаўнікоў у Бабруйску і паведамілі пра пажар. На лесвічнай пляцоўцы другога паверха было шчыльнае задымленне. Гарэла аднапакаёвая кватэра, якая належыць 58-гадоваму адзінокаму інваліду 3-й групы. Гаспадар жылля быў знойдзены ў непрытомным стане.

На жаль, рэанімацыйныя дзеянні аказаліся дарэмнымі: мужчына загінуў. Па папярэдніх даных пажар адбыўся праз неасцярожнасць пры курэнні.

Ред.