У беларускай каманды па каратэ - 11 медалёў

Сёння ў спарткомплексе «Алімпіец» завяршыліся спаборніцтвы па каратэ II Гульняў краін СНД, якія праходзілі ў Магілёве 12-13 жніўня. У спаборніцтвах прынялі ўдзел больш за 130 спартсменаў з 11 краін.

Першы дзень спаборніцтваў па каратэ прынёс беларусам пяць медалёў, другі - шэсць. Разам у скарбонцы беларускай каманды па выніках двух дзён аказалася 11 медалёў. Узнагароды зборнай сёння прынеслі: Аляксей Фурык - срэбра ў катэгорыі ката індывідуальнае сярод мужчын, сярод жанчын срэбра ў катэгорыі кумітэ - у Марыі Азаравай (да 61 кг). Медалі бронзавай вартасці ў кумітэ - у Мікіты Гайко (звыш 84 кг), Мікіты Кірыевіча (да 84 кг), Вольгі Раманюк (да 68 кг), Віялеты Навіцкай (да 61 кг).

У цэлым у фінальны дзень спаборніцтваў сітуацыя склалася наступным чынам. У катэгорыі ката індывідуальнае сярод мужчын першае месца - у Рамана Хейдарава (Азербайджан), другое - у Аляксея Фурыка (Беларусь), трэцяе - у Канстанціна Суцягіна (Расія) і Самандарбека Абдзіева (Узбекістан).

У катэгорыі кумітэ сярод мужчын звыш 84 кг золата заваяваў Канстанцін Какавураў (Расія), серабро - Мурад Гаджызадэ (Азербайджан), бронза - Асман Асманлы (Азербайджан) і Мікіта Гайко (Беларусь). Сярод мужчын да 84 кг першае месца - у Абаса Дадашова (Азербайджан), другое - у Алісултана Хожыева (Узбекістан), трэцяе - у Гусейна Гусейнзадзе (Азербайджан) і Мікіты Кірыевіча (Беларусь).

У кумітэ сярод жанчын звыш 68 кг атрымала перамогу Суніта Халімава (Расія), на другой прыступцы пастамента - Махлароім Хакімжонава (Узбекістан), на трэцяй - Кацярына Рурэнка (Кыргызстан) і Дар'я Піпко (Расія). Сярод жанчын да 68 кг золата ўзяла Лаура Алікул (Казахстан), серабро - Бону Эгамбердыева (Узбекістан), бронзу - Вольга Раманюк (Беларусь) і Ірада Акбарава (Узбекістан). Сярод жанчын да 61 кг пераможцам стала Ніколь Цэнгель (Казахстан), серабро - у Марыі Азаравай (Беларусь), бронза - у Віялеты Навіцкай (Беларусь) і Зулхумар Турсуналіевай (Узбекістан).

Ва ўрачыстай цырымоніі закрыцця спаборніцтваў прыняў удзел міністр антыманапольнага рэгулявання і гандлю, старшыня Беларускай федэрацыі каратэ Аляксей Багданаў. Ён звярнуўся да спартсменаў, трэнераў, суддзяў і ўсіх аматараў займальнага, складанакаардынацыйнага віду спорту. Прафесіяналаў ён падзякаваў за праяўленае майстэрства, сілу характару, сілу духу і падораныя яркія эмоцыі. «Мы, гледачы, не шкадавалі сваіх далоней і імкнуліся пляскаць максімальна гучна, падтрымліваючы кожнага. Жадаю  усім міру, дабра і дабрабыту. А маладым спартсменам - расці і ўдасканальвацца ў тэхніцы, тактыцы і развіваць сябе і фізічна, і духоўна».

Юлія Таранава, фота Галіны Гаўрыловіч