У Дрыбіне добраўпарадкавалі тэрыторыю брацкай магілы

Члены грамадскіх аб’яднанняў «Белая Русь» і «Беларускі фонд міру» Дрыбінскага раёна далучыліся да акцыі, прымеркаванай да Дня памяці Хатынскай трагедыі. Актывісты добраўпарадкавалі тэрыторыю брацкай магілы загінулых воінаў у гады Вялікай Айчыннай вайны ў Дрыбіне.

Увосень 1943 года войскі Заходняга фронту выйшлі на мяжу Ляды–Леніна–Дрыбін. У выніку наступальнай аперацыі 2 кастрычніка яны вызвалілі Дрыбін і частку Дрыбінскага раёна.

У брацкай магіле Дрыбіна пахавана 512 воінаў і партызан, якія загінулі пры вызваленні населенага пункта ад акупантаў і падчас іншых баёў супраць нямецка-фашысцкіх захопнікаў. У 1984 годзе тут быў узведзены помнік-скульптура салдата з аўтаматам. Вакол яго размешчаны стэлы, на якіх пазначаны імёны загінулых воінаў.

Актывісты «Белай Русі» ачысцілі брацкую магілу ад смецця і акультурылі тэрыторыі: згрэблі леташнюю лістоту, падмялі дарожкі, сабралі апалыя галінкі і ачысцілі клумбы ад смецця на прылеглай тэрыторыі. Працавалі дружна і актыўна.

mogilevnews.by