У кансалідаваны бюджэт Магілёўскай вобласці за 11 месяцаў паступіла больш за Br1,5 млн

У студзені-лістападзе бягучага года ў бюджэт Магілёўскай вобласці паступіла Br1 млн 645,9 тыс. Даходы бюджэту ў параўнанні з аналагічным перыядам мінулага года павялічыліся на Br186,1 млн, або на 12,7% у фактычным вылічэнні, паведамілі ў прэс-цэнтры інспекцыі МПЗ Рэспублікі Беларусь па Магілёўскай вобласці.

Так, найбольшыя сумы склалі паступленні падаходнага падатку – Br624,3 млн, або 37,9%, падатку на дабаўленую вартасць – Br318,4 млн (19,3%), падатку на прыбытак – Br180 млн (10,9%), акцызаў – Br72,5 млн (4,4%), падатку пры спрошчанай сістэме падаткаабкладання – Br63,5 млн (3,9%).

У дзясятку лідараў у фарміраванні бюджэту Магілёўскай вобласці ўвайшлі: РУП «Магілёўэнерга», ААТ «Клімавіцкі ЛГЗ», ЗАТ «Бабруйскі бровар», ТАА «Кронахем», філіял ТАА «Еўрагандаль» у г. Магілёве, Магілёўскі філіял РУП «Белтэлекам», ААТ «Магілёўскі завод ліфтавага машынабудавання», ЗАТ «Завод палімерных труб», РУП «Беларуснафта-Магілёўаблнафтапрадукт», ААТ «Белшына». Удзельная вага іх плацяжоў склала 19,8% агульных паступленняў.

Рэд.