У кінатэатрах Магілёва 1 снежня пройдуць кінапаказы да Сусветнага дня барацьбы са СНІДам

Магілёўскае дзяржаўнае прадпрыемства «Кінавідэапракат» запрашае 1 снежня ў кінатэатры «Радзіма», «Чырвоная Зорка», «Космас», «Ветразь» (малыя залы) на кінапаказ, прымеркаваны да Сусветнага дня барацьбы са СНІДам.

Увазе гледачоў будзе прапанаваны дакументальны фільм «Наркотыкі. Сакрэты маніпуляцыі» (Расія, 2016 г., 37 мін., 12+) аб праблеме наркаманіі сярод моладзі. Аўтары расказваюць пра хітрыкі наркадзяльцоў, алгарытмы ўцягвання падлеткаў у наркаманію.

Фільм накіраваны на прадухіленне мноства фатальных памылак, асабліва ў падлеткавым узросце.

У рэпертуары магчымыя змены.

Рэд.