У Круглянскім раёне правялі свята першай баразны

Арганізаваў яго на адным з палёў ААТ «Круглянскае Рассвет» творчы калектыў працаўнікоў раённага Дома культуры.

- Усе мы з нецярпеннем чакаем прыходу вясны, а для аграрыяў гэтая пара года асаблівая, пачынаецца пасяўная, важны кожны дзень. Свята першай разоры па даўнім павер'і спрыяе паспяховаму сельскагаспадарчаму году, - падкрэслівае намеснік дырэктара ДУК «Цэнтралізаваная клубная сістэма Круглянскага раёна» Таццяна Рылькова. - Перш чым кінуць збожжа ў зямлю, нашы продкі атрымлівалі божае дабраславеньне. Вось і цяпер протаіерэй Свята-Траецкага храма айцец Генадзь акрапіў святой вадой збожжа, глебу, правёў малебен, дабраславіў земляробаў на добрую працу, спрыяльнае надвор'е.

З пачаткам пасяўных работ кіраўнікоў і спецыялістаў сельскагаспадарчых прадпрыемстваў, механізатараў, усіх прысутных павіншаваў старшыня Круглянскага райвыканкама Сяргей Ермаліцкі. Прытрымліваючыся звычаю, кіраўнік раёна ўторкнуў у зямлю сякеру са словамі: «У зямельку сякеру абтыкаю, пустазелле абсякаю».

Першыя зярняткі на Кругляншчыне пасеялі ўручную, а далей па полі пайшлі трактары. Тутэйшыя хлебаробы шануюць звычаі продкаў, але, як гавораць самі, каб ураджай быў шчодрым, трэба не толькі выконваць традыцыі, але і працаваць сумленна.

СБ