У Крычаве пасля рэканструкцыі адкрылі абноўлены корпус цэнтральнай раённай бальніцы

У Крычаве пасля рэканструкцыі адкрылі абноўлены корпус цэнтральнай раённай бальніцы. Тут ёсць сучасны кабінет камп’ютарнай тамаграфіі, неўралагічнае, а галоўнае – радзільнае аддзяленне. Усё гэта – своеасаблівы падарунак да Дня горада.

Радзільнае аддзяленне разлічана на 10 парадзіх. Ёсць магчымасць сумеснага знаходжання маці і дзіцяці. Пакуль тут завяршаюцца адпаведныя санітарныя мерапрыемствы.

А вось камп’ютарны тамограф працуе з пачатку года. Паводле слоў медыкаў, ад хуткасці і дакладнасці дыягностыкі залежыць здароўе пацыента, яго выздараўленне.

У правядзенні рэканструкцыі шмат дапамагалі крычаўскія прадпрыемствы, бо якасная медыцына сёння – добры ўклад у будучыню. Наступны этап – аб’яднанне раённай бальніцы і паліклінікі ў адзіны комплекс.

ТРК «Магілёў»