У Магілёўскай вобласці амаль 40% кантрактаў заключана з медработнікамі на тэрмін ад 3 да 5 гадоў

У сферы аховы здароўя Магілёўскай вобласці амаль 40% кантрактаў заключана з медработнікамі на тэрмін ад 3 да 5 гадоў. Пра гэта расказаў старшыня Магілёўскай абласной арганізацыі Беларускага прафсаюза работнікаў аховы здароўя Віктар Суслаў.

«Прафсаюзамі надаецца належная ўвага працягу працоўных адносін па кантрактнай форме найму, своечасовым пісьмовым паведамленням бакам аб намеры падоўжыць або спыніць працоўныя адносіны, – адзначыў Віктар Суслаў. – Маніторынг паказвае, што замацаваныя ў калектыўных дагаворах нормы, якія паляпшаюць становішча работнікаў, у большасці арганізацый выконваюцца ў поўным аб’ёме, а тэрміны падаўжэння і перазаключэння кантрактаў вызначаюцца з улікам прафесійных і дзелавых якасцяў работніка, яго стажу і ўзросту».

У арганізацыях аховы здароўя вобласці ў 2021 годзе на ўмовах кантрактаў было аформлена амаль 31,7 тыс. работнікаў. З ліку заключаных кантрактаў: на 1 год – 28,5% , ад 1 да 3 гадоў – 32,7%, ад 3 да 5 гадоў – 38,8%.

Па словах Віктара Суслава, вызначана ахоўная функцыя прафсаюза пры скасаванні кантракту. Так, звальненне сацыяльна неабароненых работнікаў (інвалідаў, адзінокіх і шматдзетных бацькоў, маці, якія маюць дзіця-інваліда) па заканчэнні тэрміну кантракту праводзіцца толькі з папярэдняй згоды прафсаюзнага камітэта, калі на спыненні працоўных адносін настойвае наймальнік. Найбольш актуальным пытаннем з’яўляецца абмежаванне магчымасці звальнення да заканчэння тэрміну дзеяння кантракту.

БЕЛТА