RU BY EN 中文
Twitter Instagram

У Магілёўскай вобласці сфарміравана 26 тэрытарыяльных камісій па выбарах Прэзідэнта

Тэрытарыяльныя камісіі па выбарах Прэзідэнта былі ўтвораны на сумесных пасяджэннях мясцовых выканаўчых камітэтаў і прэзідыумаў мясцовых Саветаў дэпутатаў. У Магілёўскай вобласці створана 26 тэрытарыяльных камісій, сярод якіх адна абласная, 21 раённая, па дзве тэрытарыяльныя камісіі ў Магілёве і Бабруйску. Ужо прайшлі першыя арганізацыйныя паседжанні, дзе былі абраныя старшыні камісій, намеснікі і сакратары. Таксама зацверджаны графік працы камісій.

У склад тэрытарыяльных камісій у рэгіёне ўвайшло 288 чалавек. Прадстаўніцтва ў іх шырокае, зазначае старшыня Магілёўскай абласной камісіі па выбарах Прэзідэнта Яўген Алекса:

— Найбольшую актыўнасць пры вылучэнні ў склад камісій праявілі грамадскія аб'яднанні, 69 працэнтаў з ліку ўключаных у склад якраз прадстаўнікі грамадскіх аб'яднанняў. З іх амаль 21 працэнт - прадстаўнікі палітычных партый, 48 працэнтаў - грамадскіх арганізацый. Гэта прафесійныя саюзы, якія ўваходзяць у Федэрацыю прафсаюзаў Беларусі, «Белая Русь», БРСМ, Беларускі саюз жанчын і Беларускае грамадскае аб'яднанне ветэранаў. Сярод партый актыўнасць праявілі «Белая Русь», Камуністычная партыя Беларусі, Ліберальна-дэмакратычная партыя, Рэспубліканская партыя працы і справядлівасці. У склад камісій увайшлі грамадзяне, вылучаныя шляхам падачы заяў, і грамадзяне ад працоўных калектываў. Чатыры працэнты складу камісій — маладыя людзі ва ўзросце да 31 года, амаль 70 працэнтаў — жанчыны.

Нагадаем, у перыяд з 7 лістапада па 6 снежня ідзе збор подпісаў выбаршчыкаў у падтрымку асобы, якая прапануецца для вылучэння кандыдатам у Прэзідэнты Рэспублікі Беларусь. Любы грамадзянін, пакідаючы свой подпіс за таго ці іншага патэнцыйнага кандыдата, павінен мець пры сабе дакумент, які сведчыць асобу, ваенны білет (для ваеннаслужачых) або даведку, выдадзеную органамі ўнутраных спраў пры страце (крадзяжы дакумента). Выбаршчык мае права паставіць подпіс у падтрымку некалькіх кандыдатур, якія прапануюцца для вылучэння кандыдатамі ў Прэзідэнты, але толькі адзін раз у падтрымку адной і той жа кандыдатуры.

СБ

Пры выкарыстанні матэрыялаў актыўная гіперспасылка на mogilev-region.gov.by абавязковая