У Магілёўскім раёне праходзіць фестываль работнікаў устаноў адукацыі «Калядная зорка»

Сёння, 10 студзеня, у Магілёўскім раёне ў аграгарадку Вейна адзінаццаты раз праходзіць фестываль работнікаў устаноў адукацыі «Калядная зорка», мэта якога — выяўленне і падтрымка адораных, таленавітых педагогаў і іх сем'яў на аснове духоўных каштоўнасцей, гісторыка-культурнай спадчыны беларускага народа. Арганізатары мерапрыемства - райкам прафсаюза работнікаў адукацыі і навукі, аддзел па адукацыі Магілёўскага райвыканкама.

У час свята прайшло ўрачыстае богаслужэнне ў Храме Покрыва Прасвятой Багародзіцы і адбыўся вялікі канцэрт у актавай зале дома культуры аграгарадка — усе нумары выканалі педагогі і навучэнцы Магілёўскага раёна, а таксама госці — прадстаўнікі прафсаюза работнікаў народнай адукацыі і навукі з Санкт-Пецярбурга.

Завершыцца фестываль традыцыйным падвядзеннем вынікаў.

СБ